- Dastlab o'yin haqida gapirsangiz. Bahs qanday kechdi?
- Bahs qiyin o'tdi. Namlik darajasi juda yuqoriligi futbolchilarga halal berdi. Singapur terma jamoasi xotirjam o'yin ko'rsatib, pressing uyushtirishdi. Lekin futbolchilarimizning darajasi raqibnikidan ustunligi yaqqol ko'rindi. Asosiysi - g'alaba qozondik. Endi keyingi oydagi bahslarga tayyorlanish kerak. Bizni 2ta muhim o'yin kutib turibdi. Xudo xohlasa, Saudiya Arabistoni va Falastinni engib olsak, guruhdagi etakchilikni mustahkamlab olamiz.
- Zaxiradan maydonga tushganingizdan keyingi ilk daqiqalarda o'yiningizda bazi kamchiliklar kuzatildi...
- To'g'ri, buni o'zim ham sezdim. Dastlabki 5 daqiqada o'yinga kirishib keta olmadim. Hisob xavfli ekanligi (2:1) biroz tasir qildi. Keyin o'zimga kelib oldim. O'zbekiston terma jamoasi safida 1 daqiqa o'ynaymizmi yoki 10, bor kuchimizni berib harakat qilishimiz kerak. Asosiysi g'alaba.
- Maydonga tushishingizdan avval Abramov nimalar dedi, Masharipovning vazifalari sizga yuklatildimi?
- Avvaliga markazda o'ynayman deb o'ylagandim. Abramov meni Jaloliddin o'rniga maydonga tushirdi va hisob 2:1 bo'lgani tufayli ko'proq to'p ushashimiz kerakligini, kuchga to'la bo'lganim uchun Farruh (Sayfiev)ni hujumga o'tkazib, men yarim himoyachilarga yordam berishim kerakligini aytdi.
Bosh sahifaga
1112