- O'zbekiston terma jamoasi Singapurni taslim etdi. Saudiya Arabistoni hamda Falastin o'rtasidagi bahsdagi durang tufayli birinchi o'ringa chiqib oldik. Singapurga qarshi o'yin haqida nima deya olasiz?
- Muxlislar har doim terma jamoadan g'alaba kutadi. Yigitlar shuni his qilgan xolda yaxshi harakat qilishdi va g'alabaga erishidik.
- Endi Vadim Abramov uslubi haqida gapirib bersangiz. Terma jamoa bosh murabbiyi mashg'ulotlarda ko'proq qanday ko'rsatmalar beradi?
- Vadim Karlenovich to'pga egalik qilishga jiddiy etibor qaratadi. Agar to'p yo'qotilsa to'pni o'sha joyda qaytarib olib, pressing orqali hujumni qaytadan qurish kerak. Karlenovich aqlli futbol tarafdori.
- Demak, Abramov Gvardiola uslubini maqul ko'radi, shundaymi?
- SHunday desa ham bo'ladi. "Bunyodkor"dagi mashg'ulotlarimizda "Barselona"ning Gvardiola davridagi o'yinlarini tomosha qilamiz. To'p bilan ishlash futbolchilarga rohat bag'ishlaydi.
- Vadim Karlenovich futbolchilardagi qaysi qobiliyatni qadrlaydi?
- Menimcha, unga ko'proq aqlli harakat qiladigan futbolchilar yoqadi. Biroq boshqa jihatlar ham bo'lishi kerak. CHunki Karlenovich uslubida jismoniy tayyorgarlik katta rolni o'ynaydi.
- Vadim Abramov ham "Bunyodkor" ham O'zbekiston terma jamoasini boshqaryapti. Bu jamoalarning o'rtasida farq bormi?
- Bor, lekin katta emas. "Bunyodkor"da asosan yosh futbolchilar to'p tepadi. Ularni asta-sekinlik bilan darajasini oshirib borishadi. Terma jamoada esa bunday emas. Bu erga faqat kuchli va tajribali o'yinchilar taklif qilinadi.
- So'nggi o'yinlarda zaxirada qolyapsiz. Bazi futbolchilar zaxirada ko'p qolib ketsa, bundan g'azablanadi va asosiy tarkibda o'ynamasa tera jamoaga kelmaslikka harakat qiladi. Siz buni qanday qabul qilasiz?
- SHu kungacha sabrli bo'lib kelganman va hozirgi kundagi erishgan narsalarim sabr ketidan bo'lgan. Ayni damda terma jamoa futbolchisiman va 23talikda ekanligimdan faxrlanaman. Bolaligimdan O'zbekiston terma jamoasi bilan jahon chempionatiga borishni orzu qilaman va xudo xohlasa, bu orzuim amalga oshadi.
Bosh sahifaga
120