Jamoamiz chempionatda oltin medallar masalasini hal qilishga ulgurgan bo'lsa, samarqandliklar ayni paytda yuqori ligada qolish uchun kurash olib borishmoqda. Har bir bahs "Dinamo" uchun juda katta ahamiyat kasb etadi.
CHempionatlar tarixida jamoalar 47 uchrashuvda to'qnash kelishgan. Unda "Paxtakor" 36 g'alaba, 5 durang va 6 mag'lubiyatni qayd etgan. Raqib darvozasiga 94 to'p kiritilib, 23 gol o'tkazib yuborilgan. Samarqandda o'tgan o'yinlarda "SHerlar" 14 g'alaba, 5 durang va 4 mag'lubiyatga egalar.
Mezbonlardan Jasur O'runov va Qadamboy Nurmetov diskvalifikaciya sababli bellashuvni o'tkazib yuborishadi. Jamoamizda bunday yo'qotishlar mavjud emas. Terma jamoalarga chaqirilgan futbolchilar 16 oktyabrdan klub ixtiyoriga qaytib, mashg'ulotlarga qo'shilishdi.
"Dinamo" va "Paxtakor" jamoalari o'rtasidagi 22-tur bahsi Samarqanddagi "Dinamo" stadionida 19 oktyabr, shanba kuni soat 16:30da boshlanadi.
“DINAMO” – “PAXTAKOR”
Hakamlar: Ahrol Risqullaev, Timur Galeev, Aleksandr Sidorov, Elyor Tursunov.
Nazoratchi: Marat Ismoilov.
Komissar: Laziz Qo'chqorov.
 Dinamo | Superliga. 22-tur 19/10/2019, 16:30 - : - Boshlanmadi |  Paxtakor |
Bosh sahifaga
1173