Muhammad Keshavarz: “Eron terma jamoasi Osiyoda eng kuchli hisoblanadi”

Biz Eron terma jamoasi sardori Muhammad Keshavarz bilan uchrashib undan bugungi o'yindan oldin intervyu oldik.

-  Avvalambor JCH yo'llanmasini qo'lga kiritkaninglar bilan tabriklayman. Pley – off bosqichida Qirg'iziston terma jamoasini yirik (7:0) hisobida mag'lub etdinglar. Ushbu o'yin haqida fikr bildirsangiz?
-  Qirg'iziston bilan bo'lib o'tkan o'yin juda yaxshi o'tdi. Ushbu o'yinda biz qirg'izistonlik futzalchilardan ancha ustun edik. Biz ularni engishga haqli edik. O'yin davomida biz ulardan har tomonlama ustunlik qildik.

-  Bugun Vetnam terma jamoasiga qarshi maydonga chiqasizlar. Ushbu o'yin oldidan fikrlaringizni bildirsangiz, bugungi raqibga qarshi qanday tayorgarlik ko'rdinglar?
-  Eron terma jamoasi Osiyoda eng kuchli hisoblanadi. Agar bugun Vetnam terma jamoasi ustidan g'alaba qozonsak finalga chiqamiz. Terma jamoamiz jahonda ham o'z o'rniga ega. Biz Vetnam terma jamoasining o'yinlarini ko'rib ularni o'rganib chiqdik. Eron terma jamoasi barcha jamoalarga xurmat ko'zi bilan qaraydi. SHu bilan birga musobaqani yuqori darajada o'tkazyapmiz.

-  Pley – off bosqichida Yaponiya terma jamoasi Vetnamga penaltilar seriyasida mag'lub bo'ldi. Ushbu o'yin haqida qanday fikr bildirasiz?
-  Yaponiya terma jamoasiga g'alaba qozonishga bo'lgan ishtiyoq etishmadi. Futzalning chiroyliligi shundaki o'yindan oldin natijani aytib bo'lmaydi. Vetnam terma jamoasi ham juda ajoyib o'yin ko'rsatdi.

-  O'zbekiston hamda Tailand terma jamoalari o'yini haqida qanday fikr bildirasiz?
-  Ikkala terma jamoa ham kuchli. Juda ham qiziqarli o'yin guvohi bo'lamiz deb o'ylayman. Bugungi o'yinda O'zbekiston terma jamoasiga omad tilayman. Bizga ko'rsatayotgan hizmatlari uchun o'zbek halqiga minnatdorchilik bildraman.  

Jahongir Sotvoldiev suhbatlashdi.