Bunga qadar ushbu mutaxassislar O'zbekiston chempionati, O'zbekiston Kubogi, Superkubok hamda Liga Kubogi doirasidagi bahslarda bellashishgan. Mazkur qarama-qarshilikda yaqqol ustunlik AGMK ustozi Mirjalol Qosimov tarafida.
Mirjalol Qosimov Vadim Abramov boshqargan “Lokomotiv”, “Neftchi” hamda “Bunyodkor” jamoalarini barcha musobaqalarda jami 5 marotaba mag'lub etishni uddalagan. Vadim Abramov esa faqatgina bir marotaba Qosimov ustidan g'alaba qozongan.
“Bunyodkor” — AGMK o'rtasidagi bugungi bo'lajak o'yin ushbu mutaxassislarning o'zaro 7-bahsiga aylanadi.
Etiborli tarafi, AGMK o'z tarixida hali hech qachon "Bunyodkor"ni Toshkentda mag'lub etmagan. Joriy mavsum esa "Bunyodkor" hali o'z maydonida mag'lubiyatga uchragani yo'q. Bugun ham "Bunyodkor"ning mazkur yoqimli ananasi davom etadimi yoki Qosimov boshqaruvidagi AGMK noxush seriyaga barham beradimi, degan savollarga soat 17:30da boshlanadigan o'yin orqali javob olamiz.
 Bunyodkor | Superliga. 22-tur 18/10/2019, 17:30 - : - Boshlanmadi |  AGMK |
Bosh sahifaga
1168