Superliganing 22-turidan o'rin olgan “Bunyodkor” va AGMK jamoalari o'rtasidagi uchrashuvdan avval tajribali himoyachi bilan qator mavzularda suhbatlashdik.
- Anvar aka siz nafaqat jamoadagi balki, Superligadagi eng yoshi katta va tajribali futbolchi sanalasiz. Bu qadar uzoq muddat to'p tepishni siri nimada?
- Siri? Mening uylashimcha ko'p narsalardan iborat. Bu murabbiylarning sizga nisbatan ishonchi, shifokorlarimizning va massajistlarimizning mehnati, jamoadoshlarimning va albatta oila azolarimning yordami bois shu yoshimda ham maydonda to'p tepib kelyapman.
- “Bunyodkor”ni yaxshi kunida ham, yomon kunida ham tashlab ketmadingiz. Ochig'i sizdagi bu kabi insonparvarlik fazilati ko'pchilikning havasini keltiradi. O'tgan mavsumdan so'ng jamoani naqd 15 futbolchisi tark etdi, biroq siz jamoada qoldingiz. Bu kabi fidoyilikning sababi nimada?
- Rostini aytganda bu klubning yaxshi va og'ir kunlarida birga bulganman va ko'p narsalarni ko'rib, o'zim uchun yangi narsalarni kashf qilganman. Vaqtida xorij jamoalaridan ham takliflar qabul qilganman. Ammo, jamoaga yordamim tegsin deb barini rad qilganman. O'ylaymanki bu jamoa hali uzoq yillar mobaynida ajoyib o'yinlar ko'rsatib, muxlislarni hushnud etadi. To'g'ri, hozir tarkib ancha yoshargan, shunday bo'lsada yuqori o'rinlarni zabt etishga tayyor.
- Sizning tengqurlaringiz murabbiylik faoliyatini yo'lga qo'ymoqda. Bu borada oldinda rejalaringiz bormi?
- Xudo xohlasa, faoliyatimni yakunlaganimdan so'ng murabbiy sifatida ish boshlash niyatim bor.
- SHu vaqtgacha ko'plab murabbiylar bilan ishladingiz, ularning har biridan o'zingiz uchun kerakli nimadir olgansiz. SHo' o'rinda ustozlaringiz haqida to'xtalib o'tsangiz...
- Ha. Ularning har biridan kelajak faoliyatim uchun zarur narsalarni oldim. O'zlashtirganlarim bir kun kelib menga foyda keltirishi aniq.
- Yuqoridagi suratga izohingiz...
- Bu rasm 2007 yilgi Osiyo kubogiga tegishli. Adashmasam Malayziya bilan uchrashuvdan oldin. Har doim o'z vaqtining eng kuchli futbolchilari terma jamoa libosini kiygan.
Abdulaziz suhbatlashdi.
Bosh sahifaga
1342