Biroz avval saytimizda O'zbekiston terma jamoasi Qirg'iziston bilan o'rtoqlik uchrashuvi o'tkazishi haqida xabar bergandik. Ayni damda biz bilan bog'langan Qirg'iziston terma jamoasi bosh murabbiyi Aleksandr Krestinin ushbu o'yin o'tishi borasida kelishuvga erishilgani haqida xabar qildi.
Eshitdik-da: O'zbekiston terma jamoasi Qirg'iziston bilan o'rtoqlik o'yini o'tkazadi
O'yin 9 noyabr kuni bo'lib o'tishi rejalashtirilgan. Qirg'iziston terma jamoasi esa Toshkentga 7 noyabr kuni uchib keladi.
Eslatib o'tamiz, noyabrda FIFA kunlari doirasida O'zbekiston terma jamoasi Toshkentda ikkita rasmiy o'yin o'tkazadi. Saralash bosqichi doirasida dastlab 14 noyabr kuni Saudiya Arabistoni mehmon bo'lsa, keyinchalik 19 noyabr kuni Falastinga qarshi o'yin orqali ikkinchi davraga start beriladi.
Ayni paytda terma jamoamiz JCH-2022 hamda OK-2023 qo'shma saralash bosqichining "D" guruhida 4-turdan keyin 6 ochko jamg'argan holda peshqadamlik qilmoqda.
Bosh sahifaga
331