- “Paxtakor”ni chempionlik bilan tabriklayman. Bu jamoa bugun ham munosib o'yin namoyish etdi. O'z o'yinimiz haqida gapiradigan bo'lsam, kuchli raqibga qaramay, futbolchilarimiz uchrashuvni yaxshi boshlashdi. Birinchi bo'limda hisobni ochib, o'yinda ishonchli ko'rindik, yaxshi harakat qildik. Afsuski, bo'limni g'alaba bilan yakunlash arafasida, keraksiz xatolar evaziga ketma-ket ikkita gol o'tkazib yuborishimiz jamoaga tasir qildi.
Ikkinchi bo'limda esa “Paxtakor”ning mahorat va tajriba bobida ustunligi, zaxirasi kuchli ekanligi bilindi. Biz esa uch nafar asosiy tarkib futbolchilarimizni maydonga tushira olmadik. Raqib jamoa safidagi ko'pgina futbolchilar terma jamoa azosi sanalishadi. Ikkinchi bo'limda ularni to'xtatib qolish qiyin bo'ldi.
Bugungi mag'lubiyatga qaramay, “Dinamo” kurashishda davom etadi. Oldinda to'rtta tur bor va biz uchun bu bahslarning barchasi so'nggi o'yindek o'tadi. Taslim bo'lish niyatimiz yo'q, imkoniyat bor ekan oxirigacha kurashamiz.
Usmon Ibodov yozib oldi.
Bosh sahifaga
177