Axbor Imomxo'jaevni andijonlik eng mashhur suxandon qutlaydi

O'zining shirali ovozi bilan o'z vaqtida barchani rom etgan 76 yoshli Rabbano ota bugungi kunda Buxoro viloyatining Olot tumanida istiqomat qiladilar. O'z mutaxassisligi bo'yicha O'zbekiston sog'liqni saqlash alochisi unvonigacha erishgan Rabbano Kamolovich bugun qutlug' – 80 yoshini nishonlayotgan ustoz, taniqli sharhlovchi, jonkuyar jurnalist, respublika toifasidagi hakam Axbor Rustamovich Imomxo'jaevga o'zining samimiy tabrigini yo'lladi.

Hurmatli Axborjon aka!
Dunyoga o'zbek futbolining nufuzini oshirishdagi buyuk xizmatlaringiz har qanday tahsin, ezoz va etiroflarga loyiqligi butun yorqin faoliyatingiz mobaynida namoyon bo'lgan. Sizdek o'z Vatani va xalqiga fidoyi, kamtar, bag'rikeng, mexridaryo inson, millionlar o'yini - futboldagi betakror, jarangdor ovozli sharhlovchi va ijodkor sifatida mashhurligingizga hammamiz havas qilamiz.


Tabrik sheri
80 bahoringiz muborak bo'lsin,
Futbolning mashali Axborjon aka!
Uyingiz nurafshon nurlarga to'lsin,
Alloh umringizga bersin baraka!

SHarhlovchilar safida misli sardor,
Hakamlik bobida etakchi shunqor.
Adiblik sanati siz uchun shior,
Millatning faxriysi, g'ururi, AXBOR!


Sizga hurmat va ehtirom ila,
do'stingiz va shogirdingiz Rabbano Kamolovich Rahmonov.
Buxoro. 2016 yil 19 fevral