Ayollar futboli. O'zbekiston kubogining finali 24 oktyabrda o'tkaziladi

CHempionlik poygasida ham jiddiy raqobat qilayotgan mazkur ikki klub o'rtasidagi hal qiluvchi o'yinga bo'lgan qiziqish katta.

Rejaga ko'ra final o'yini 25 noyabr kuni o'tkazilishi kerak edi. Taqvim bo'yicha 17-26 oktyabr kunlari Qirg'iziston poytaxti Bishkek shahrida ayollar o'rtasida CAFA kubogi bo'lib o'tishi belgilangandi. Biroq, ayrim sabablarga ko'ra Bishkekdagi musobaqa keyinroqqa qoldi. Natijada oktyabr oyining yuqorida keltirib o'tilgan kunlarida bo'shliq yuzaga keldi. O'zbekiston futbol Associaciyasi hamda Professional futbol ligasi o'zaro kelishib, mana shu vaqt oralig'ida mamlakat kubogining final uchrashuvini o'tkazishni lozim deb topdi. Bu qaror shuningdek kubok finalining noyabr oyi so'nggiga qolib ketmasligini ham taminlab beradi. O'z navbatida Toshkent va Qarshi jamoalari ham yuqoridagi qarorni qo'llab-quvvatlashdi.

SHundan kelib chiqib, 24 oktyabr — payshanba kuni final uchrashuvi Toshkentdagi "To'qimachilik" stadionida o'tadigan bo'ldi. Bellashuv soat 15:00da start oladi.