Bu haqda 19 oktyabr kuni saytimiz orqali xabar bergan edik.
Vadim Abramov boshchiligidagi O'zbekiston milliy terma jamoasi 6 noyabr sanasida yig'inga kirishadi. 4 va 5 noyabr kunlari esa Coca Cola Superligasining 24-tur uchrashuvlari o'tkazilishi rejalashtirilgan. Olgan malumotlarimizga ko'ra, O'FA milliy terma jamoaning yig'ini sabab 5 noyabr kuniga mo'ljallangan "Nasaf" - "Paxtakor" o'yinini boshqa sanaga qoldirish iltimosi bilan har ikki klub rahbariyatiga murojaat qilgan. Hozircha, "Nasaf" va "Paxtakor" klublari bu iltimosga qanday javob qatarishgani aniq emas. Lekin, o'rtada MTJ manfaati turgani hisobga olsak katta ehtimol bilan uchrashuv qoldirilishi mumkin. CHunki, futbolchilar 5 noyabrda o'yin o'tkazadigan bo'lsalar kamida bir kun dam olishlari kerak bo'ladi. Bu holatda futbolchilar terma jamoa ixtiyorida mashg'ulotlarni faqatgina 7 noyabrdan boshlashlariga to'g'ri keladi. Bu esa murabbiylarni qoniqtirmaydi.
Eslatib o'tamiz, O'zbekiston terma jamoasi JCH-2022 saralashi ikkinchi bosqichi doirasidagi navbatdagi o'yinlarni 14 oyabrda Saudiya Arabistoniga, 19 noyabrda esa Falastinga qarshi o'tkazadi.
Bosh sahifaga
1721