O'zbekiston milliy terma jamoasi guruhda Tojikiston, Nepal va Afg'oniston bilan bahs olib boradi.
Bugun saralash o'yinlari oldidan qatnashchi terma jamoalar bosh murabbiylari ishtirokida matbuot anjumani tashkil etildi. Unda futzal bo'yicha O'zbekiston milliy terma jamoasi ustozi Bahodir Ahmedov quyidagicha fikr bildirib o'tdi:
- Avvalambor, bizni yaxshi kutib olishgani uchun mezbon – eronliklarga minnatdorchilik bildiraman. Oldinda bizni qiziqarli va shiddatli uchrashuvlar kutib turibdi. Zero guruhimizdan o'rin olgan har bir jamoa etarlicha qarshilik ko'rsatish imkoniga ega. Lekin biz ham o'z o'yinimizni namoyish etib, bor mahoratni ishga solishga urinamiz. Maqsadimiz – saralash bahslarini muvaffaqiyatli o'tkazgan holda qita chempionati final bosqichiga yo'llanmani qo'lga kiritish. Umid qilamanki, saralashni yuqori kayfiyatda o'tkazib, yakunda Osiyo chempionatiga yo'l olamiz, - dedi tajribali mutaxassis.
Takidlash joiz, O'zbekiston milliy terma jamoasi dastlabki uchrashuvini ertaga, 23 oktyabr kuni Afg'onistonga qarshi o'tkazadi. Ushbu o'yin mahalliy vaqt bilan soat 15:30da, Toshkent vaqti bilan esa 17:00da start oladi.
Bosh sahifaga
881