"Muammo shundaki har safar 3ta gol urishimizga to'g'ri kelmoqda, chunki darvozamizdan 2ta to'p olib chiqyapmiz" - dedi Manuel Noyer.
Niko Kovachning baxtiga "Bavariya"da ishonsa bo'ladigan bir yigit bor - Robert Levandovski. Robert dubl qayd etib, bu safar ham qahramonga aylandi. Uning statistikasi hayratlanarli.
"Bavariya"ning joriy mavsumdagi 38ta golidan 18tasi Levandovski hisobiga yozilgan.
Germaniya Superkubogini hisobga olmasak, Robert joriy mavsumda o'zi o'ynagan barcha uchrashuvlarda gol urdi.
Dahshat:
"Energi" - 1ta gol
"Gerta" - dubl
"SHalke" - xet-trik
"Maync" - 1ta gol
"Leypcig" - 1ta gol
"Crvena Zvezda" - 1ta gol
"Kyoln" - dubl
"Paderborn" - 1ta gol
"Tottenxem" - dubl
"Xoffenxaym" - 1ta gol
"Augsburg" - 1ta gol
"Olimpiakos" - dubl
Levandovski kuzda terma jamoada o'tkazgan 4ta uchrashuvida 3ta gol urishga muvaffaq bo'ldi.
Robert avgust oxirida "Bavariya" bilan shartnomasini 2023 yilgacha uzaytirdi, uning hayollarida esa faqat o'yin va gollar. U Bundesliga (12ta gol) va CHempionlar ligasi guruh bosqichining (5ta gol) eng yaxshi to'purari.
"Olimpiakos" darvozasiga urilgan dubl tufayli Levandovski Nistelroyni ortda qoldirdi. Endi u CHL tarixidagi eng yaxshi beshinchi to'purar.
Levandovski tez orada "Bavariya" tarixidagi eng yaxshi ikkinchi to'purarga aylanishi mumkin. Robert hozircha 209ta gol bilan uchinchi o'rinda, Karl-Xayn Rummeniggeda esa 217ta gol mavjud. Birinchi o'rinni 508ta gol bilan Gerd Myuller egallab turibdi.
Bosh sahifaga
1993