- Jamoa ayni vaqtda chempionlik va Osiyo chempionlar ligasini masalasini o'zi uchun ijobiy hal qildi. SHunday bo'lsada, oldinda yana ikkita final kutib turibdi. Kubokda va Liga kubogida AGMK jamoasi raqiblik qiladi. Qaysi birining darajasi va ahamiyati yuqori?
- Biz uchun O'zbekiston kubogi va bu yil birinchi marotaba o'tkazilgan Liga kubogining farqi yo'q. Ikkalasi ham sovrin. Endi to'g'ri kim uchundir O'zbekiston kubogi muhim. CHunki, u Osiyo chempionlar ligasiga yo'llanma beradi. “Paxtakor” o'zi qatnashadigan barcha musobaqalarda g'olib bo'lishni maqsad qilgan.
- “Paxtakor” AGMKni Superliga doirasida ikki bor yirik hisobda mag'lub etdi. Ertangi o'yin jamoa uchun odatdagidek o'tadimi yoki alohida tayyorgarlik olib borildimi?
- Finalda bosiqlik bilan, o'z o'yinimizni namoyish etgan holda, g'alaba uchun harakat qilamiz. Hayajon nafaqat bizda, raqibda ham bo'lishi tabiiy. Kubokni qo'lga kiritish uchun borimizni beramiz.
- Aytganimizdek "Paxtakor" muddatdan avval chempion bo'ldi va OCHLga chiqib bo'ldi. Qolgan uchrashuvlarda futbolchilarga motivaciya nima bo'ladi?
- Muddatidan avval chempionlikni nishonladik. Bunda barchaning hissasi bor. Muhlislar, murabbiylar shtabi, barcha xodimlarning mexnati evaziga chempion bo'ldik. Qolgan to'rtta o'yin, ikkita finalda g'alaba qozonib, mavsumni mag'lubiyatsiz yakunlamoqchimiz. SHota Arveladze bir narsani doim takidlaydi: “Sizlar chempionsizlar, to'g'ri. Ammo, bu tarixda qoldi. Bugungi kun bilan yashanglar, chempio ekanligingizni isbotlang”. Albatta, xotirjamlikka berilmaymiz. Boisi, ota-onalarimiz, yaqinlarimiz, ishqibozlar bizdan doim g'alaba kutishadi.
- SHaxsan o'zingiz uchu bu yilgi chempionat qanday o'tyapti. Harakatlaringizdan qoniqish hosil qilyapsizsmi?
- Yaxshi o'tyapti. Futbolchi hech qachon o'zidan qoniqmasligi kerak. Bo'lmasa, o'sishdan to'xtab qoladi.
Abdulaziz suhbatlashdi
Bosh sahifaga
1285