Live  "Liverpul" - "Tottenxem" 2:1 (matnli translyaciya)

- Ha, bu vaziyatda Teylor adashmagandi. Mane kutilmaganda oyog'ini to'pning oldiga qo'ydi, Ore Sadioning oyog'ini tepib yubordi va penalti!

77. Zaxiradan maydonga Jeyms Milner tushirildi. U Jorjino Veynaldumni almashtirdi.

75. GOOOOOOLL! Muhammad Salah penaltini aniq ijro etgan holda "Liverpul"ni hisobda oldinga olib chiqdi.

74. PENALTIII. Entoni Teylor Ore qoidani buzdi deb hisoblab penalti belgiladi.

72. Hozirgina maydonga tushgan Tangi Ndombele raqibni qo'li bilan ushlab qolgani uchun sariq kartochka oldi.

69. Aniq zarbalar ko'rsatkichi shunchaki "dahshat": 12-1. "Tottenxem" o'yinda atigi bitta aniq zarba berdi va shu zarba ham golga aylandi.

64. Trent Aleksandr-Arnold sariq kartochka oldi. U raqibini chalib yiqitgani uchun ogohlantirildi.

63. "Tottenxem" safida o'zgarish. Maydonni Xarri Uinks tark etdi. Uning o'rnida esa Tangi Ndombele harakat qiladi.

61. O'yinning davomi "Liverpul"ning hujumlar "yomg'ir"i bilan o'tmoqda. "Tottenxem" esa butun jamoa bo'lib himoyalanmoqda.

56. "Liverpul" hisobni tenglashtirib olganidan keyin ham tin olmayapti. Klopp shogirdlari "Tottenxem" darvozasi tomon ikkinchi golni urishga harakat qilishmoqda.

52. GOOOOOOOL!! "Liverpul" sardori Jordan Xenderson jarima maydonchasi ichidan bergan ajoyib zarbasi darvoza to'ridan joy oldi.

50. "Liverpul" himoyachisi Deyan Lovren Harri Keynning yuziga qo'li bilan harakat qilgani uchun sariq kartochka bilan "siylandi".

49. Xavfli vaziyat! Son Xyon Min hattoki Alisson Bekerda aldab o'tdi. Ammo, koreyalik futbolchining bergan zarbasi darvoza to'siniga tegib maydonga qaytdi.

48. Firminoning yaqin masofadan bergan zarbasini mana bu posbon (Gassaniga) qaytardi.

46. Ikkinchi bo'limga start beruvchi xushtak chalindi.

TANAFFUS

46. Birinchi bo'limga uchrashuv bosh hakami Entoni Teylor tomonidan 3 daqiqa qo'shib berildi.

41. Statistikaga nazar tashlaydigan bo'lsak, "Liverpul"ning to'pga egalik qilish bo'yicha yakqol ustunlikka ega bo'layotganini ko'rishimiz mumkin: 76%-24%

37. "Tottenxem"ning yana bir o'yinchisiga sariq kartochka ko'rsatildi. Himoyachi Denni Rouz "Liverpul" yarim himoyachisi Jordan Xendersonning oyog'iga zarba berib yuborgan edi va unga asosli ravishda sariq kartochka ko'rsatildi.

36. Ilk sariq kartochka Orega ko'rsatildi. U Robertson bilan bo'lgan bahsda asablarini jilovlay olmadi.

35. "Liverpul"ning tinimsiz hujumlaridan so'ng o'yinda "pauza" kuzatilmoqda. "Tottenxem" ham oldinroqqa chiqqan holda hujum tashkil etishga harakat qilmoqda.

30. Birinchi taym qahramoni so'zsiz "Tottenxem" darvozaboni. Aleksandr-Arnoldning jarima maydonchasi tashqarisidan bergan kuchli zarbasini Gassaniga qiyinchilik bilan bartaraf etdi.

29. Gassanigaaaa! Standart vaziyatdan so'ng jarima maydonchasi ichiga tashlab berilgan to'pga Virjil Van Deyk boshi bilan zarba berdi. Gassaniga esa super seyv qayd etgan holda, hisob o'zgarmasligini taminladi.

27. Xavfli vaziyat! "Liverpul" o'yinchilarining, ayniqsa Salahning "shporlar" darvozasi tomon bergan zarbasi xafli ko'rinish oldi. Gassaniga esa 1 daqiqa ichida 2ta seyvni o'z hisobiga yozdirib qo'ydi.

24. "Tottenxem" ham xavfli vaziyat yaratdi. "SHporlar"ning birin-ketin bergan zarbalari noaniq ketdi va vaziyat so'nggida Keynning oyog'i jarima maydonchasi ichida to'pga birozgina etmay qoldi.

20. "Liverpul" hujumga zo'r bermoqda, "Tottenxem" esa aksincha himoyaga ko'proq ahamiyat bermoqda. Ammo, hozircha "qizillar"ning say-harakatlari behuda ketmoqda.

- "Liverpul" rasmiy "Twitter" sahifasi golga ajoyib reakciya bildirdi: 2' Gol. "SHporlar" [0-1]

14. Mersisaydliklar xavfli hujum tashkil etishdi. Jamoaning shotlandiyalik himoyachisi Endryu Robertson jarima maydonchasi ichiga kirib bordi, ammo uyog'iga shunchaki kuchsiz zarba bilan Gassaniganing qo'liga to'pni tashlab berdi.

- Bu esa Angliya terma jamoasi o'yinchisi Xarri Keynning bosh bilan bexato o'ynagan holda Alisson Beker qo'riqlayotgan darvozani ishg'ol qilgan vaziyat.

9. O'yin hozirgi daqiqalarga kelib sal sokinlashdi. Jamoalar endi pozicion hujumga o'tishga harakat qilmoqda.

5. Tezkor goldan so'ng maydon egalari oldinga tashlanishmoqda. "Tottenxem" esa himoyada hozircha bexato o'ynamoqda. Takidlash kerakki, endigina bahsning 5 daqiqasi o'tib bormoqda.

1. GOOOOOOOOL! Nimalar bo'lmoqda. "SHporlar" hisobni ochishdi. Son Xyon Minning uzoqdan bergan zarbasidan so'ng to'p darvoza ustuniga tegdi, qaytgan to'pni esa Keyn darvozaga joylab qo'ydi.

1. O'yin boshlandi!

- Assalomu alaykum hurmatli Championat.asia sayti o'quvchilari, bir necha daqiqalardan so'ng Liverpuldagi "Enfild" stadionida "Liverpul" va "Tottenxem" jamoalari o'rtasidagi qiziqarli kechishi kutilayotgan o'yinni birgalikda kuzatib boramiz.