- Dastlab o'yin haqida fikrlaringizni bildirib o'tsangiz. Nazarimizda jamoaga biroz xarakter etishmagandek go'yo...
- Nima ham deyishim mumkin. Bahs kutilganidek og'ir o'tdi. Kuchli chempion jamoaga qarshi doim qiyin bo'lib kelgan. Lekin, borimizni berib o'ynashga harakat qildik. SHunda ham omad etishmadi. Ayrim vaziyatlarda hattoki, birga-bir vaziyatlardan unumli foydalanishda sustkashlikka yo'l qo'ydik. Raqib esa o'zi yaratgan vaziyatlarni golga aylantirdi. Menimcha, ularning yutug'i shunda bo'ldi. Sen urmasang, senga urishadi.
- Ko'rdikki “Paxtakor” butun bahs davomida to'pni va o'yin tizginini nazorat qilib bordi AGMKga birinchi raqam ostida to'p tepishiga nima to'sqinlik qildi?
- Bunday jamoaga qarshi ikkinchi raqam ostida harakatlanishimiz tabiiy edi. CHunki, milliy terma jamoamizni asosini “Paxtakor” futbolchilari tashkil etishadi. Ularga ochiq futbol taklif qilish xato hisoblanishini bilardik. Qarshi hujumlarda imkoniyatimizni kutdik.
- Sizning poziciyangizdan Doston Hamdamov ko'p bor qochib, hujumni rivojlantirishga intildi. Unga etarli darajada qarshilik ko'rsata oldim deb o'ylaysizmi?
- Nafaqat Hamdamov, barcha chiziqdagi futbolchilarini o'rganganimizga qaramasdan, kerakmas joyda xatolar yuz berdi. Baribir, maxorat va texnika o'z so'zini aytdi.
- Tushunib turibmiz, mag'lubiyatdan keyin, ruhiy tushkunlikdan chiqish oson emas. SHunday bo'lsada Liga kubogi finalida jamoadan noodatiy va boshqacha o'yin kutsak bo'ladimi?
- Liga kubogi finalidan oldin Superliga tur uchrashuvlari turibdi. Avval, shu o'yinlar haqida bosh qotiramiz. Umuman, bu borada o'ylashga hali erta.
Abdulaziz suhbatlashdi
Bosh sahifaga
337