Mazkur turni o'z maydonida o'tkazgan O'zbekiston tumanining "Turon" klubi "Rubin" jamoasini 2:1 hisobida mag'lubiyatga uchratib, ochkolari sonini 59 taga etkazib oldi. Ushbu g'alaba "Turon" jamoasiga V PRO-Liga SHarq mintaqasida muddatidan oldin chempionlikni taqdim etardi. SHu munosabat bilan biz klub prezidenti Abduvahob Ahmadaliev bilan bog'lanib, intervyu tashkil etdik.
"Avvalo, etibor uchun xursandmiz. CHempionlik taasurotlari juda yuqori, alo darajada! "Turon"ning mazkur musobaqada viloyatimiz, xususan tumanimiz shanini himoya qildi va buni munosib darajada uddaladi deb o'ylayman. Birinchi navbatda jamoamiz bosib o'tgan yo'lda o'z yordamlarini ayamagan insonlarga, tuman, viloyat va respublika doirasidagi sport tashkilotlarlariga, tumanimiz hokimligiga, futbol uchrashuvlari vaqtida xavfsizlikni taminlagan IIB vakillariga, sog'liqni saqlash xodimlariga, mavsum davomida o'yinlarimizni yoritib borgan barcha OAVlarga klubimiz nomidan o'z minnatdorchiligimni bildirib o'taman.
"Turon" futbol klubi vakillari butun mavsum davomida bir oiladek ahil va inoq tarzda harakat qildilar. Barcha futbol tanu bir jon bo'lgan xolda futbol uchrashuvlarida maydonda borlarini berib o'ynadilar. Qo'lga kiritilgan chempionlik jamoamizning to'g'ri yo'lda ekanligidan dalolat beradi.
Jamoamizning uy va safar uchrashuvlarida muxlislarimiz bizni muntazam qo'llab-quvvatlab turishdi. O'z maydonimizda bo'lib o'tgan o'yinlarda "O'zbekiston" stadioni futbol muxlislari bilan to'ldi, albatta chempionlik yo'lida jamoamiz muxlislarini o'rni muhim ahamiyat kasb etdi.
SHuningdek O'zbekiston futbol associaciyasi va O'zbekiston professional futbol ligasi rahbar va mutaxassislariga, klubimiz tomonidan licenziyalash talablarini bajarilishida o'z maslahati va yordamini ayamagan Diyor Imomxo'jaevga klubimiz nomidan minnatdorchilik bildiramiz. Eng muhimi licenziyalash talablarini bajarish asnosida tumanimizda muhtasham va zamonaviy stadion bunyod etildi, tamirlandi,klub infratuzilmasi shakllantirildi.
"Turon" futbol klubi 2017-yilda viloyatimiz va tumanimiz hokimligi ko'magi ostida tashkil etilgan. Ushbu jamoani tashkil etishda va bugungacha barqaror o'ynab kelishida albatta xomiylarimizning o'rni beqiyos, ular tomonidan bizga barcha sharoitlar yaratib berilmoqda.
Ayni vaqtda "Turon" futboli qoshida futbol akademiyasi tashkil etishda ish olib bormoqdamiz. Bugunga qadar yosh futbolchilarni saralab olish ishlarini amalga oshirdik, akademiya bazasini zamonaviy va Evropa klublaridan andoza xolda tashkil etishni maqsad qilganmiz.
Jamoamiz A PRO-Ligaga o'tish o'yinlariga yuqori darajada tayyorgarlik ko'rmoqda. Nasib qilsa bu bosqichda g'alaba qozonib, A PRO-Liga yo'llanmasini qo'lga kiritmoqchimiz.
"Turon" futbol klubi dastlab tashkil etilganda oldimizda viloyat birinchiligida g'olib chiqish vazifasi qo'yilgan edi, yakunda bu maqsadimizga erishdik. Joriy mavsum avvalida V PRO-Ligada chempionlikni qo'lga kiritib, A PRO-Ligaga yo'llanmani qo'lga kiritishni o'z oldimizga maqsad qilganmiz. Jamoamiz ahillik bilan barcha bosqichlarni birin-ketin bosib o'tmoqda.
Kelajakda "Turon"ni Superligaga olib chiqib, yuqori o'rinlar uchun kurashadigan raqobatbardosh jamoani shakllantirmoqchimiz. Nasib qilsa kuni kelib Osiyo chempionlar ligasida jamoamizning ishtirokini taminlash uchun astoydil harakat qilamiz - deydi Abduvahob Ahmadaliev.
Bekzod Tolibov yozib oldi
Bosh sahifaga
2018