Mazkur yig'in doirasida BAAlik tengqurlariga qarshi maydonga tushishdi. O'rtoqlik maqomida o'tgan o'yindan keyin faol harakatlari bilan ajralib turgan Ibrohimhalil Yo'ldoshevdan saytimizga intervyu oldik.
- Ibrohim, birinchi galda o'yin haqida fikringizni bildirib o'tsangiz?
- Kutganimizdek yaxshi o'yin bo'ldi. Rejamiz raqib jarima maydonchasi ichida ko'proq hujum qilish va bosim uyushtirish edi. Menimcha buni uddasidan chiqdik. Ular himoyaga tayangan holda, bizga qarshilik ko'rsatishga intilishdi. Saudiya Arabistoniga alo kayfiyatda yo'l olayapmiz. Nasib qilsa ishonchli g'alabalar bilan yurtimizga qaytamiz.
- Bu o'rtoqlik uchrashuvining muhimlik darajasi qanday edi?
- Birinchi galda Osiyo chempionati saralash bahslariga munosib tayyorgarlik ko'rish uchun bu uchrashuv tashkil etildi deb o'ylayman. Bu musobaqadan oldingi so'nggi yig'in hisoblanadi. Barcha futbolchilar bir-birlari bilan o'zaro chiqishib olishlari muhim.
Ibrohimhalil Yo'ldoshev (#6)
- Birinchi bo'limga qaraganda, ikkinchi bo'limda amirlik futbolchilar darvozamiz oldida ko'proq hujum tashkil qilishdi. So'nggi daqiqalardagina biroz erkin o'ynadik. Buni nima bilan izohlaysiz?
- Ikki xil taym bo'ldi. Birinchi taymda ularga pressing qildik va gol kiritdik. Albatta, oradagi farqni qisqartirish uchun raqibimiz katta kuch bilan oldinga o'tdi. Keyinchalik, yana ustunlikni qo'limizga oldik. Zaxiradan tushganlar ham o'yinni kuchaytirishga yordam berdi.
- Ko'ryapmizki,jamoadagi futbolchilarni o'ziga bo'lgan ishonchi o'ta yuqori. Bu musobaqa davomida halal bermaydimi? Har narsada meyor bo'lgani maqul menimcha...
- Bizda jamoaviy futbol shakllangan deya olaman. Futbolchilar maydonda hamjihatlikda to'p tepishadi. “Bunyodkor” yoki “Paxtakor” degan narsa yo'q. Barchamiz bir oilamiz.
- Keyingi yili Osiyo chempionati yurtimizda bo'lib o'tishini inobatga olsak, Saudiya mezbonlik qiladigan musobaqada jamoa nima maqsadda ishtirok etadi?
- Ko'pgina tanishlarimiz, do'stlarimiz shunday savol bilan murojaat qilishmoqda. Oldindagi turnir keraksiz demagan bo'lardim. CHunki, Osiyo chempionati mamlakatimizga bejiz berilmaganini ayrim insonlarga va muxlislarga isbotlamoqchimiz.
Abdulaziz suhbatlashdi
Bosh sahifaga
598