"Lokomotiv": Mashg'ulotlar hal qiluvchi pallada

Futbolchilarimiz yildagi birinchi rasmiy bellashuvga jiddiy hozirlik ko'rishmoqda. Ularning kayfiyatlari yaxshi. Murabbiylar shtabi “Al-Ittixod”ga qarshi bellashuv rejalarini allaqachon ishlab chiqishgan hamda mashg'ulotlarda bu borada ish olib borilmoqda.

“Lokomotiv” stadioni maysasi chempionlar ligasi o'yiniga yuz foiz tayyor bo'lishi uchun mutaxassislar unga ishlov berish bilan band. SHundan kelib chiqib futbolchilarimiz mashg'ulotlarini asosan TTYMI stadionida o'tkazishmoqda.

Eslatib o'tamiz, “Lokomotiv” – “Al-Ittixod” o'yini 23 fevral kuni soat 15:00 da boshlanadi. Bellashuv chiptalarini ertadan boshlab “Lokomotiv” stadioni kassasidan harid qilishingiz mumkin.

23 fevral, 2016. “Lokomotiv” stadioni (15:00)
LOKOMOTIV (O'zbekiston) – AL-ITTIXOD (Saudiya Arabistoni)
Hakamlar: Benjamin Jon Uilyams, Natan Aleksandr Makdonald, Eshli Uorvik Bichem (barchasi Avstraliyadan), Hanna Hattob (Suriya).
Nazoratchi: Alaa Obid Al-Qodir (Iroq).
Komissar: Ahmad SHahir (Maldiv).