Guruxda g'oliblik uchun raqobatda mezbon jamoa yani, saudiyalik yoshlarni mag'lub etishga to'g'ri keladi. Odatda, bu kabi o'yinlardan avval muxlislarda o'ziga yarasha hadik bo'ladi. Lekin, futbolchilarda muvaffaqiyatga bo'lgan intilish o'ta yuqori. So'zimizni terma jamoa sardori Jasur Jaloliddinov ham tasdiqladi.
- Hozirgi O'zbekiston yoshlar terma jamoasi saviya va mahorat bobida Osiyo grandlari bilan tenglasha oladimi?
- Siz Yaponiya va Koreyani nazarda tutyapsizmi? Menimcha, ular bizdan doim ustun bo'lib kelgan. Yuqori saviyadagi terma jamoalarni kuchli xohish va iroda evaziga mag'lub etish mumkin.
- Musobaqadagi raqiblar to'liq o'rganildimi? Afg'oniston bilan “CAFA CUP” turnirida juda qiyin o'yin o'tkazgan edik...
- Deyarli barchalarini yaxshi bilamiz. Hurmat qilgan holda maydonga chiqamiz. Hech kimga oson bo'lmaydi. Ko'zlagan maqsadimizga erishish va bizni qo'llab-quvvatlab turgan isonlarga chiroyli o'yin va g'alabani tortiq qilish uchun bor kuchimizni ishga solamiz.
- Baribir guruhda birinchi o'rin uchun kurash Saudiya Arabistoni bilan kechishi tabiiy...
- Albatta. Ikki yil oldingi mag'lubiyatni unutganimiz yo'q. Buning uchun ulardan revansh olish payti keldi deb o'ylayman. Yigitlarda ishtiyoq kuchli. Agarda, Osiyo chempionati vatanimizga berilmagan taqdirda ham o'z o'yinimiz bilan bunga loyiq ekanligimizni ko'rsatmoqchimiz. Turnir oldidan hammasi joyida. Muammolar yo'q.
- “Bunyodkor” o'yinidagi pasayishning sabablarini ayta olasizmi?
- Kechirasiz, bu boradagi savollarga aniq javob bera olmayman.
Bosh sahifaga
1836