OCHL yaqinlashmoqda, qiziqarli o'yinlar boshlanishiga oz qoldi

SHu kundan etiboran butun qitaning etibori mana shu musobaqaga qaratiladi, lekin biz ko'proq G'arb mintaqasini kuzatib boramiz.

1-turda O'zbekistonning har to'rttala klubi Saudiya Arabistoni vakillariga qarshi bahs olib boradi. "Lokomotiv" va "Bunyodkor" o'z o'yinini 23 fevralda o'tkazsa, ertasi kuni "Nasaf" bilan "Paxtakor" guruhdagi ilk o'yinni o'tkazishadi.

OCHLning ikki karra g'olibi (2004, 2005) "Al Ittihod" Toshkentda "Lokomotiv" mehmoni bo'ladi. Bu o'yinga qiziqish juda yuqori. CHunki ikkala klub safida mahoratli futbolchilar bor va ikkala jamoa ham o'z oldiga yuqori vazifalarni qo'yadi. Malumki, "Al Ittihod" pley-off bosqichida "Al Vihdat"ni 2:1 hisobida dog'da qoldirib, guruh o'yinlariga yo'l oldi.

Jiddaliklar safida Salli Muntari, Gelmin Rivas kabi mahoratli legionerlar bor. "Lokomotiv" esa o'z tarkibini mohir yarim himoyachi Server Jeparov bilan to'ldirib oldi. SHuningdek, Kaxi Maxaradze, Sadriddin Abdullaev, SHerzod Fayziev kabi futbolchilar bilan shartnoma imzolandi. 23 fevral kuni "Lokomotiv" stadionida bizni qiziqarli bellashuv kutib turibdi deb ayta olamiz.

SHu kuni "Bunyodkor" ham o'z o'yinini o'tkazadi. "Qaldirg'ochlar" safarda Saudiya Arabistonining amaldagi chempioni "Al Nasr" mehmoni bo'lishadi. "Bunyodkor" bungacha pley-offda "Al SHabab"ni ortda qoldirdi va endilikda guruh bahslarida o'z omadini sinab ko'radi. Jamoa tarkibi asosan yoshlardan iborat va ularga o'yinga chanqoq. Yashirishning hojati yo'q, Saudiya klublari hamma vaqt kuchli bo'lib kelgan va ular bilan o'yin bizning jamoalar uchun oson o'tmagan. SHunday ekan, bu gal ham bizni qiziq bellashuvlar kutib turibdi deya olamiz. O'zbekiston klublariga esa xalqaro uchrashuvlarda omad yor bo'lishini tilab qolamiz.