Evropa chempionlar ligasining 4-turida olti jamoa nimchorak final yo'llanmasini qo'lga kiritishga yaqin turibdi: "Atletiko", "Bavariya", "Manchester Siti", "Napoli", PSJ va "Yuventus".
Guruhlardagi holat
"A" guruhi: PSJ (9) — "Bryugge" (2); "Real" (4) — "Galatasaray" (1)
Agarda PSJ mazkur turda g'alaba qozonsa, unda guruhdan chiqish masalasini hal qiladi. SHuningdek, PSJni mazkur turda durang natijasi ham nimchorak finalga olib chiqadi, agarda "Galatasaray" "Real" ustidan g'alaba qozona olmasa. Madriddagi o'yinda durang qayd etilsa va PSJ g'alaba qozonsa, unda parijliklar nafaqat pley-off yo'llanmasi, balki guruhdagi g'oliblikni ham muddatidan avval hal qilishadi.
"B" guruhi: "Bavariya" (9) — "Olimpiakos" (1); "Crvena Zvezda" (3) — "Tottenxem" (4)
"Bavariya" "Olimpiakos"ni mag'lub etsa nimchorak finalga yo'llanmani qo'lga kiritadi. SHuningdek, Myunxendagi o'yinda durang natijasi qayd etilib, parallel bahsda "Tottenxem" g'alabani tantana qilsa ham "Bavariya" muddatidan avval masalani hal qiladi. "Bavariya" g'alaba qozonib, ikkinchi o'yinda durang kuzatilsa, unda "Bavariya" nimchorak final yo'llanmasi bilan birgalikda guruh g'olibligini ham naqd qiladi.
"C" guruhi: "Atalanta" (0) — "Manchester Siti" (9); "Dinamo Zagreb" (4) — "SHaxtyor" (4)
"Manchester Siti" g'alaba qozongan taqdirda guruhdan chiqish masalasini hal qiladi. SHuningdek, parallel o'yinda Zagreb hamda Doneck jamoalari durang o'ynashsa va "Siti" g'alaba qozonsa, unda Gvardiola jamoasi guruh g'olibligini ham rasmiylashtirib qo'yadi.
"D" guruhi: "Lokomotiv" (3) — "Yuventus" (7); "Bayer" (0) — "Atletiko" (7)
"Yuventus" g'alaba qozongan taqdirda muddatidan avval nimchorak final masalasini hal etadi. "Atletiko"da ham pley-off bosqichi masalasini hal qilish imkoniyati mavjud. Buning uchun "Atletiko" g'alaba qozonishi va "Yuventus" "Lokomotiv"ni mag'lub etishi lozim.
"E" guruhi: "Napoli" (7) — "Zalcburg" (3); "Liverpul" (6) — "Genk" (1)
Mazkur "kvartet"da "Napoli"da nimchorak final masalasini muddatidan avval hal etish imkoniyati bor. Buning uchun "Napoli" g'alaba qozonishi va parallel o'yinda "Liverpul" "Genk"ka mag'lub bo'lmasligi talab etiladi.
"F" guruhi: "Barselona" (7) — "Slaviya" (1); "Borussiya" Dortmund (4) — "Inter" (4)
Mazkur guruhdagi hech bir jamoa ushbu turda muddatidan avval nimchorak final masalasini hal etish imkoniyatiga ega emas.
"G" guruhi: "Zenit" (4) — "Leypcig" (6); "Lion" (4) — "Benfika" (3)
Mazkur guruhdagi hech bir jamoa ushbu turda muddatidan avval nimchorak final masalasini hal etish imkoniyatiga ega emas.
"H" guruhi: "CHelsi" (6) — "Ayaks" (6); "Valensiya" (4) — "Lill" (1)
Mazkur guruhdagi hech bir jamoa ushbu turda muddatidan avval nimchorak final masalasini hal etish imkoniyatiga ega emas.
ECHL. "Borussiya D" - "Inter" va qolgan o'yinlar uchun taxminiy tarkiblar
Bosh sahifaga
1909