O'zbekiston yoshlar terma jamoasi ilk uchrashuvini Hindistonga qarshi o'tkazadi. O'yin oldidan o'tkazilgan matbuot anjumanida terma jamoamiz ustozi Otabek G'ulomxo'jaev quyidagicha fikr bildirib o'tdi:
- Avvalo mezbon – Saudiya Arabistoniga bizni iliq kutib olishgani uchun minnatdorchilik bildiraman. Biz saralash bahslariga deyarli barcha asosiy o'yinchilarimizni olib keldik. Faqatgina bazi futbolchilarimizda kichik jarohatlar bor ekanini aytib o'tishim lozim. Ammo biz har bir uchrashuvda bor kuch va mahoratimizni ishga solishga harakat qilamiz. To'g'ri, mazkur yosh toifasidagi qita chempionati final bosqichi kelasi yili O'zbekistonda bo'lib o'tadi. Biroq bizning oldimizga saralash bahslarini ham muvaffaqiyatli o'tkazish vazifasi qo'yilgan. SHu boisdan biz har bir o'yinda faqat g'alaba qozonish va muxlislarimizni xushnud etish uchun maydonga chiqamiz, - dedi Otabek G'ulomxo'jaev.
Eslatib o'tamiz, O'zbekiston - Hindiston o'rtasidagi bahs Toshkent vaqti bilan soat 17:00da boshlanadi.
Bosh sahifaga
1365