Tojikiston terma jamoasini bu oyda 3ta o'yin kutib turibdi. Yon qo'shnilarimiz 9 noyabr kuni Malayziyaga qarshi o'rtoqlik uchrashuvi o'tkazishadi. SHundan so'ng jamoa JCH saralash bosqichi doirasida safarda Myanma (14 noyabr) va Qirg'iziston (19 noyabr) bilan o'ynaydi.
Mazkur bahslar uchun terma jamoa bosh murabbiyi Usmon Toshev 23 futbolchidan iborat ro'yxatni elon qildi. Ro'yxatdagilarning etti nafari legioner. Uzoq muddatli tanaffusdan so'ng "Nefteximik" azosi Farhod Vosiev va "Buxoro" futbolchisi Fatxullo Fatxulloev ham terma jamoaga jalb etildi.
Bugun Tojikiston terma jamoasi Dubay orqali Kuala Lumpurga yo'l oldi. Jamoa Malayziya bilan o'rtoqlik o'yini o'tkazib bo'lgach, Myanmaga parvoz qiladi.
Terma jamoa tarkibi quyidagicha ko'rinish olgan:
Darvozabonlar: Rustam Yatimov ("Istiqlol"), SHohrux Kirgizboev ("Lokomotiv-Pomir"), Fatxullo Boboev ("Regar-TadAZ").
Himoyachilar: Xurshed Beknazarov ("PS TIRA", Indoneziya), Farhod Vosiev ("Nefteximik", Rossiya), Axtam Nazarov, Iskandar Jalilov, Tabrezi Davlatmir (barchasi – "Istiqlol"), Davronjon Ergashev, Manuchexr Safarov (har ikkalasi – "Xo'jand").
Yarim himoyachilar: Parvizjon Umarboev ("Lokomotiv", Bolgariya), Nuriddin Davronov ("Oman", Ummon), Amirbek Jo'raboev ("Navbahor", O'zbekiston), Fatxullo Fatxulloev ("Buxoro", O'zbekiston), Alisher Jalilov, Ehsoni Panjshanbe, Muxammadjon Rahimov, Komron Tursunov (barchasi – "Istiqlol"), Karomatullo Saidov ("Ko'ktosh").
Hujumchilar: Jahongir Ergashev ("Saif Sporting Klub", Bangladesh), SHeriddin Boboev, SHahrom Samiev (har ikkisi – "Istiqlol"), Manuchehr Jalilov (klubsiz).
Bosh sahifaga
868