6 noyabr kuni qitamizning bir qator davlatlarida saralash o'yinlariga start berildi. Xabaringiz bor, kecha O'zbekiston yoshlar terma jamoasi saralashdagi ilk uchrashuvni Hindistonga qarshi o'tkazib, 2:0 hisobida zafar quchdi. Quyida boshqa guruhlardagi vaziyatga to'xtalib o'tamiz.
"A" guruhi - Ummon (mezbon), Iroq, Falastin, Quvayt, Pokiston.
Bu guruhdagi bahslar aslida Iroqda bo'lib o'tishi kerak edi, biroq mamlakatda yuzaga kelgan siyosiy notinch vaziyat tufayli o'yinlar Ummonga ko'chirildi. "A" guruhida saralash bahslari 22-30 noyabr oralig'ida o'tkaziladi.
"B" guruhi - Qatar (mezbon), Yaman, Turkmaniston, SHri Lanka.
Qatar saralashni yirik g'alaba bilan boshladi. Turkmaniston esa kutilmaganda Yamanga imkoniyatni boy berdi.
Yaman - Turkmaniston 2:1
Qatar - SHri Lanka 5:1
"C" guruhi - Tojikiston (mezbon), Livan, Suriya, Maldiv.
Guruhdagi bahslar allaqachon o'z yakuniga etgan va Tojikiston yoshlar terma jamoasi birinchi o'rinni egallab U-19 Osiyo chempionatining ilk ishtirokchisiga aylangan.
"D" guruhi - Eron (mezbon), BAA, Qirg'iziston, Nepal.
Dastlabki o'yinlarda Eron va BAA yoshlar terma jamoalari ishonchli g'alabaga erishishdi.
BAA - Nepal 4:0
Eron - Qirg'iziston 3:0
"E" guruhi - Bahrayn (mezbon), Iordaniya, Bangladesh, Butan.
Bahrayn va Iordaniya terma jamoalari ilk turda bir xil 3:0 hisobi bilan g'alaba qozonishdi.
Iordaniya - Butan 3:0
Bahrayn - Bangladesh 3:0
"F" guruhi - Saudiya Arabistoni (mezbon), O'zbekiston, Hindiston, Afg'oniston.
Otabek G'ulomxo'jaev shogirdlari Hindistonni ishonchli tarzda mag'lub etishdi. Asosiy raqibimiz Saudiya Arabistoni ham ilk turni g'alaba bilan boshladi.
O'zbekiston - Hindiston 2:0
Saudiya Arabistoni - Afg'oniston 1:0
"G" guruhi - Kambodja (mezbon), Tailand, Malayziya, Bruney, SHimoliy Mariana orollari.
Bu guruhdagi o'yinlar 2 noyabr kuni start olgan. Tailand va Malayziya 6 ochko to'plagan holda yuqori o'rinda borishyapti. Tailand oxirgi o'yinida 21ta gol urdi.
Tailand - SHimoliy Mariana orollari 21:0
Malayziya - Bruney 11:0
"H" guruhi - Xitoy Taypeyi (mezbon), Avstraliya, Makau, Laos.
Avstraliya kutilmaganda Laos bilan durang o'ynadi. Xitoy Taypeyi esa Makauga hech qanday imkoniyat qoldirmadi.
Avstraliya - Laos 2:2
Xitoy Taypeyi - Makau 8:0
"I" guruhi - Myanma (mezbon), Janubiy Koreya, Xitoy, Singapur.
Janubiy Koreya Singapur darvozasiga javobsiz 11ta to'p kiritdi. Xitoy esa Myanmani mag'lub etdi.
Xitoy - Myanma 2:0
Janubiy Koreya - Singapur 11:0
"J" guruhi - Vetnam (mezbon), Yaponiya, Mo'g'uliston, Guam.
Vetnamda bo'lib o'tayotgan saralash bosqchini mezbonlar va Yaponiya yoshlar terma jamoasi ishonchli g'alaba bilan boshladi.
Yaponiya - Guam 10:0
Vetnam - Mo'g'uliston 3:0
"K" guruhi - Indoneziya (mezbon), KXDR, Gonkong, SHarqiy Timor.
KXDR yoshlar termasi Gonkong bilan durang o'ynadi. Indoneziya esa ilk turda g'alaba qozondi.
KXDR - Gonkong 1:1
Indoneziya - SHarqiy Timor 3:1
P.S. Saralash bosqichi reglamentiga ko'ra, 11ta guruh g'oliblari hamda 4ta eng yaxshi ikkinchi o'rin egalari (jami 15ta jamoa) 2020 yil O'zbekistonda bo'lib o'tadigan U-19 Osiyo chempionati yo'llanmasini qo'lga kiritadi. Saralashda konkursdan tashqari ishtirok etadigan O'zbekiston yoshlar terma jamoasi o'z guruhida birinchi yo ikkinchi o'rinni egallasa, unda ikkinchi o'rindagilar orasida eng yaxshi ko'rsatkichga ega beshinchi jamoaga qo'shimcha imtiyoz beriladi.
Bosh sahifaga
248