Mashg'ulotlar "Jar" stadionining zaxira maydonida o'tkazilmoqda.
Bugungi mashg'ulotda markaziy himoyachimiz Egor Krimec ishtirok etmadi. Afsuski, "Paxtakor" azosi kechagi mashg'ulot payti to'p uchun kurashdagi to'qnashuvdan so'ng tizzasining pastki qismidan engil jarohat olgan. Terma jamoa shifokori Abror Pirrievning so'zlariga ko'ra, bu jiddiy jarohat emas. Krimec bugun trenajer zalida individual tarzda shug'ullandi. Ertaga esa jamoa bilan birga chigalyozdi mashqlarni bajaradi va o'zini yaxshi his qilsa, og'riq sezmasa umumiy guruh bilan shug'ullanishi mumkin bo'ladi.
Egor Krimec terma jamoa mashg'ulotini yarmidan keyin stadionga keldi va mashg'ulotlarni tomoshabin sifatida kuzatdi. Himoyachimizga salomatlik tilab qolamiz. Umid qilamiz, u ertadan yana mashg'ulotlarga qaytadi.
Bundan tashqari, ikki kun davomida yakka o'zi shug'ullangan Farruh Sayfiev bugundan umumiy guruh mashg'ulotlariga qaytdi. SHifokor A.Pirrievning so'zlariga ko'ra, Sayfievning orqa mushaklariga biroz dam berish zarur bo'lgani sabab u ikki kun individual tarzda engil mashg'ulot olib borgan. Endi esa hammasi joyida va chap qanot himoyachisi safga qaytdi.
Yig'inga chaqirilgan yana 3 nafar legioner Eldor SHomurodov, Otabek SHukurov va Temurxo'ja Abduxoliqov yaqin kunlarda terma jamoa ixtiyoriga etib kelishadi.
P.S. Bugun Toshkent vaqti bilan 21:45da start oladigan bahsda Otabek SHukurov va uning jamoasi "SHarja" safarda "Al Jazira"ga qarshi bahs olib boradi.
 Al-Jazira | Arabian Gulf League . 7-tur 07/11/2019, 21:45 - : - Boshlanmadi |  Sharjah Cultural Club |
Bosh sahifaga
240