Hamyurtlarimiz uchun g'alaba bilan tugagan uchrashuvdan so'ng “Qo'qon 1912” klubi futbolchisi Hojimat Erkinov fikrlarini bildirib o'tdi.
- Birinchi galda Hindistonga qarshi kechgan o'yin hususidagi ilk fikrlaringiz...
- Menimcha yaxshi bellashuv bo'ldi. Birinchi bo'limda ozgina qiynaldik. Raqibimiz mudofaada tartibli harakatlandi. Ustiga ustak shamolga qarshi to'p tepishga to'g'ri keldi. Ikkinchi taymni ancha faol boshladik va o'z maqsadimizga erishdik.
- Hindistonda futbol yildan yilga rivojlanmoqda. Ular Toshkentda bo'lib o'tgan U-16 osiyo chempionati saralashida birinchi o'rinni egallab keyingi bosqichga chiqishdi. Mazkur yosh toifasidagi terma jamoadan ham jiddiy qarshilik kutganmidingiz?
- Ha. Albatta. Barcha mamlakatlar qatori u erda ham futbolga katta etibor qaratilayotganini bilardik. Bizga munosib qarshilik tug'dirishdi.
- Jamoadagi ayrim futbolchilarda xalqaro tajriba yo'q edi. O'rtoqlik o'yinlari o'z yo'liga. SHu sababdan ilk daqiqalarda hayajon bo'lgani tabiiy...
- Bosim va hayajon har bir futbolchida bo'ladi. CHunki, biz vatanimiz va oilamiz shanini himoya qilish uchun to'p tepyapmiz. Fikrimcha, murabbiylar shtabining ko'rsatmalarini to'g'ri bajarganimiz tufayli uch ochkoni qo'lga kiritdik.
- Keyingi turda jamoa yanada erkin va hotirjam to'p tepishi mumkinmi?
- Ikkinchi turda bundanda og'ir bo'lishini taxmin qilyapmiz. Boisi, raqiblarimiz bizning o'yinlarimizni boshidan ohirigacha o'rganishganligi aniq. Futbolchilar va murabbiylar bilan birgalikda raqiblarimizni tahlil qilamiz va shunga yarasha hozirlik ko'ramiz.
Abdulaziz Iskandarov suhbatlashdi
Bosh sahifaga
225