Pep Gvardiola "Liverpul"ga qarshi o'yindan oldingi matbuot anjumanida qatnashdi

"Tashqaridagi odamlar, matbuotdagilar bizni supermenlar deb aytishadi, ammo unday emas. Men jamoani hech qachon bunday tasavvur qilmaganman.

Albatta, raqib bizdan 6 ochkoga oldinlab ketgan, ajoyib mavsumni o'tkazayotgan jamoa. Biroq biz "Enfild"ga mag'lubiyatni o'ylamasdan boryapmiz.

Menda hech qachon bunday hissiyot bo'lmagan. Har doim yuqori natijalar va alohida yutuqlar borasida o'ylayman. Bizda g'alaba uchun imkoniyatlar etarlicha bo'ladi. 

G'alaba uchun doimo yuqori sifatli o'yin ko'rsatish kerak. Kichik detallargacha etibor berib, g'alabaga ishonch bilan odimlash lozim. Futbolchilarga doimo ilk navbatda ruhiy holat borasida gapiraman. Ikkinchi jihat esa taktikaga qaratiladi.

Statistikalarga katta etibor bermayman. Biroq u "Enfild"da g'alabaga erishish qanchalar qiyin ekanligini ko'rsatadi. Ha, rostdan ham katta stadionlarda mehmon bo'lib o'ynash oson emas.

"Liverpul" - yaxshi jamoa. Barcha shuni biladi va men ham faqatgina shuni ayta olaman", - dedi Gvardiola.