O'zbekiston milliy terma jamoasi Qirg'izistonga qarshi kechgan o'rtoqlik uchrashuvidan so'ng mazkur bahsga tayyorgarlikni davom ettirmoqda. Kecha o'tkazilgan navbatdagi mashg'ulotlar avvalida himoyachi Islom To'xtaxo'jaevdan intervyu oldik.
- Qirg'iziston bilan o'yinda asosiy tarkib futbolchilarining maydonga tushmaganligi Saudiya bilan o'yinga tasirini o'tkazmaydimi? Umuman tayyorgarlik xususida qisqacha...
- Ko'z tegmasin bari yaxshi kayfiyatda ketyapti. Umuman bu murabbiyning rejasi, kimni tushishi yoki tushmasligini u hal qiladi.
- Oldindagi raqib avvalgilaridan butkul farq qiladi. Kuchi, tarkibdagi futbolchilarning saviyasi bobida ham ustun. Yaman yoki Singapurga bo'lgan munosabat Saudiyaga o'tmaydi. Bu borada futbolchilarning munosabati qanday?
- Havotirga o'rin yo'q. Nasib qilsa xalqimizga chiroyli o'yin va g'alabani tortiq qilamiz. Barcha bu o'yinga jiddiy qaramoqda.
- Mahalliy futbolchilar asosan Qirg'iziston bilan o'yinda ishtirok etdi. Legionerlar o'yinga bir necha kun qolganda keldi. Bu jamoaviy o'yinni shakllanishiga halaqit bermaydimi?
- Albatta biroz tasir qiladi. Lekin legionerlar avvalgi yig'inga qaraganda kamroq, shu tarafdan muammo bo'lmasa kerak.
- Qiziq! Terma jamoa bo'lajak o'yinga qanday kutilmagan sovg'a tayyorlayapti?
- Yaxshisi uch ochko qo'lga kiritib ishqibozlarga syurpriz qilamiz.
Abdulaziz Iskandarov suhbatlashdi.
Bosh sahifaga
276