Eldor SHomurodov: "Saudiya Arabistoni kuchli, ammo..."

Bugungi mashg'ulotlarga "Rostov" klubi hujumchisi Eldor SHomurodov ham kelib qo'shildi. Biz uning fikrlari bilan qiziqdik.

- Terma jamoa bir haftadan buyon yig'in o'tkazmoqda, siz biroz kechroq keldingiz. Terma jamoaga moslashishda qiyinchilik bo'lmadimi?
- Jahon chempionati doirasida uchta o'yinda maydonga tushishga ulgurdik. SHunday ekan terma jamoaga moslashish talab etilmaydi deb o'ylayman. Barcha yigitlar Saudiya Arabistoni bilan o'yin ahamiyati qanchalik yuqori ekanligini juda yaxshi bilib turishibdi. Birglikda bir jamoa bo'lib g'alaba qozonishga urinamiz.

- Bo'lajak raqibimiz Saudiya Arabistoni haqida qanday fikrdasiz?
- Saudiya Arabistoni Rossiyada o'tgan oxirgi Jahon chempionati ishtirokchisi hisoblanadi. Osiyoda o'z o'rniga bo'lgan jamoalardan biri, lekin biz o'z maydonimizda o'z muxlislarimiz qarshisida o'ynaymiz. SHu bois faqat g'alaba uchun intilamiz.

- Kuni kecha Rossiya premer-ligasida o'yinda maydonga tushdingiz. Jismoniy holatingiz qanday, charochoq alomatlari sezilmayaptimi?
- Yo'q, hammasi joyida.

- Klubingiz safidagi omadsizlik nima bilan bog'liq deb o'ylaysiz? Sababi sizdan barcha har bir bahsda gol kutadi...
- To'g'ri hamma gol kutadi. Har bir o'yinda gol urishga harakat qilaman. Ammo bu futbol. Balki Saudiya Arabistoni bilan bahsda omadsiz seriyaga chek qo'yarman.