- Asror aka, avvalambor saytimiz vakillari va o'quvchilari nomidan chempionlik bilan tabriklaymiz! Bugungi o'yin haqida fikrlaringiz...
- Tabrik uchun rahmat! Bugungi o'yin haqida nima deyish mumkin? “Mashal” A PRO-Ligada g'olilikni qo'lga kiritdi, jamoamiz tarkibi yosh, chempionlik qo'lga kiritlgandan keyin ularda ishtiyoq yo'qolib qolishi mumkin. Staionga nechta tomoshabin ashrif buyurishidan qatiy nazar biz doim muxlislar uchun maydonga chiqamiz, o'ynaymiz, g'alaba uchun kurashamiz. Yosh futbolchilar o'yindan o'yinga o'sib borishi va safar uchrashuvlariga o'zlarini tayyorlashi kerak. CHunki endi, Superliga yo'llanmasini qo'lga kiritdik, bu ikki turnir saviyasida farq bor albatta. Har bir uchrashuv oddiy emasligi, xuddi finaldek maydonga chiqishni jamoamiz yosh futbolchilariga singdirishimiz zarur deb hisoblayman.
Bugun g'alaba qozonishdi maqsad qilgan edik, yigitlar harakat qilishdi, biroq yakunda mag'lubiyatga uchradik. “Neftchi” jamoasini g'alaba bilan tabriklayman. Bugungi o'yinga to'pni nazorat qilish, qisqa uzatmalar orqali hujum tashkil etishni maqsad qilgandik, biroq maydon sifati o'z uslubimizni to'la namoyish etishga imkon bermadi.
- Jamoangizni tarkib jihatidan Superligaga qay darajada tayyor deb hisoblaysiz?
- Jamoamiz tarkibi juda yosh, bu tarkib bilan Superligada juda qiyin bo'ladi, xatto bu tarkibimiz bilan yuqori elitada “jon saqlab qolish” imkoniyati ham juda past. CHunki yosh futbolchilar butun mavsum davomida turg'un o'ynab keta olmaydi. O'ylaymanki, bugun biz bilan PRO-Ligada o'ynab chempion bo'lgan yigitlar tarkbimizda qolib, biz bilan Superligada ham o'ynashadi. Lekin jamoamiz tarkibiga tajribali futbolchilarni jjalb etish borasida selekciya ishlarini olib borishimiz zarur deb hisoblayman.
- “Mashal” infratuzilma jihatidan Superliga talablariga javob bera oladimi?
- Infratuzilma jihatidanmi? Klub bazasi va stadioni Superliga talabalarga javob bera oladi deb o'ylayman. “Mashal” ilgarigi Oliy liga bahslarida ishtrok etgan va bu borada bizda zamin shakllangan. Endi masalaning boshqa tomonlari ham bor, xomiylar tomonidan qo'llab-quvvatlansa, albatta “Mashal” Superligada raqobatbardosh va yuqori o'rinlar uchun kurashadigan jamoaga aylanadi.
Bekzod Tolibov yozib oldi.
Bosh sahifaga
261