2:1 hisobida yutib turib yakunda yutqazib qo'ydik. Hozircha mag'lubiyat sabablari haqida fikr yuritmoqchi emasman. Negadir kechagi mag'lubiyat etti yil oldingi o'yinni esga soldi.
2012 yil, 14 mart sanasi. Olimpiada o'yinlariga saralash bosqichi. O'zbekiston - BAA 2:3. Bosh murabbiy Vadim Abramov edi. "Jar" stadionida kechgan bahsda 2:0 hisobida oldinda borayotib yakunda 2:3 hisobida yutqazib qo'yganmiz. O'shanda Ahmad Xalil degan futbolchi ikkita gol urib ketgan. Havo sovuq edi, adashmasam qor ham yoqqandi. Qizig'i shundaki, o'sha o'yinni yaponiyalik hakam Masaaki Toma boshqargan. Fakt shuki, yakunda Olimpiada o'yinlariga bora olmaganmiz.
2019 yil, 14 noyabr sanasi. (Uyoqda ham 14, buyoqda ham). Jahon chempionatiga saralash bosqichi. O'zbekiston - Saudiya Arabistoni 2:3. Bosh murabbiy yana Vadim Abramov. "Paxtakor" stadionida bo'lib o'tgan uchrashuvda 2:1 hisobidagi g'alabani ushlab qola olmadik. Kechagi bahsda Salman Faraj degan futbolchi ikkita gol urib ketdi. Havo sal sovuq bo'ldi, lekin qor yog'madi. Qizig'i, kechagi bahsni ham yaponiyalik hakam Ryuji Sato boshqardi.
P.S. Endi bu safar jahon chempionatiga bora olamizmi-yo'qmi, buni vaqt ko'rsatadi.
Bosh sahifaga
2149