Ushbu jamoa Tailand yuqori divizionida ilk mavsum ishtirok etganiga qaramay, mamlakat Liga kubogida zafar quchdi chempionatda esa 9-o'rinni egalladi.
Artyom ushbu jamoa safida chempionat bahslarida 29 marta maydonga tushib, bir bor raqib darvozasini ishg'ol etishga ham ulgurdi.
“Tailand yuqori ligasida kurash bu yil ancha qizg'in kechdi. Mamlakatning birinchi raqamli jamoasi hisoblangan “Buriram” so'nggi turda g'alaba qozona olmay, chempionlikni “CHiangray Yunayted”ga topshirgan bo'lsa, Liga kubogining final bahsida bizning jamoa bilan durang o'ynab, penaltilar seriyasida imkoniyatni boy berdi. Aytmoqchi, bo'lganim bu erda legionerlarga bo'lgan talab judayam yuqori. Agar klub rahbarlariga o'yining yoqmay qolsa, o'sha zahotiyoqt shartnomani bekor qilib (tovon pullarini to'lab berishadi), o'rningga boshqa futbolchini sinab ko'rishlari mumkin...
Men bilan birga himoya markazida o'zbekistonlik futbol ishqibozlariga yaxshi tanish bo'lgan Adnan Oraxovac harakat qildi. Bu yurtda ilk marta to'p tepgan bo'lsamda, muxlislar mehrini qozonishga harakat qilishga harakat qildim”, deydi samarqandlik himoyachi.
Ayni paytda futbolchi Toshkentda oilasi davrasida hordiq chiqrmoqda. Futbolchining aytishicha, Tailand klubi bilan bir yillik shartnomasi nihoyasiga etgan. Filiposyanning xizmatlariga Superliga sovrinli o'rinlar uchun kurashayotgan klublaridan biri jiddiy qiziqmoqda. SHuningdek, Tailand jamoalaridan ham futbolchiga jiddiy taklif tushgan.
Bosh sahifaga
2043