Vitaliy Denisov: "Afsuski, hisob kichik bo'ldi"
/ Kiritdi: BestMaster O'qilgan: 1394
O'zbekiston terma jamoasi himoyachisi Vitaliy Denisov Yaman terma jamoasiga qarshi o'yindan so'ng o'z fikrlari bilan o'rtoqlashdi.
"Aytishim mumkinki, bugun ko'plab vaziyatlarga ega bo'ldik. Biroq ulardan foydalana olmadik. Bunga sabab balki bir-birimizni tushunmaganimizdir, balki asablar. Lekin, 90 daqiqa davomida o'yin borishini nazorat qilib bordik. Raqibga o'yin berganimiz yo'q. Umuman olib qaraganda, o'yinni yomon o'tqazmadik. Afsuski, hisob shunday kichik bo'ldi.
Yangi bosh murabbiy haqida fikrlarim? Murabbiyni faqat tabriklashim mumkin. U bilan ilk marotaba ishlashim. Umuman, murabbiylar borasida hech qachon fikr bildira olmayman.
Filipinnga qarshi o'yin hozirdanoq boshlanadi. Bugungi o'yinni tahlil qilib, o'rganib chiqishimiz lozim", - deydi Vitaliy Denisov.
Bosh sahifaga
1784