Qita futbol konfederaciyasi bilan hamkorlikda yurtimizda futbolni yanada rivojlantirish, “millionlar o'yini” ommaviyligini oshirishga qaratilgan qator loyiha va dasturlar amalga oshirib kelinmoqda. Jumladan, OFK ko'magi asosida futbol bilan shug'ullanish uchun bir nechta futbol maydonlari barpo etish ishlari olib borilmoqda.
Maydonlarning har tomonlama sifatli tarzda qurilishini taminlash, qolaversa joylarda olib borilayotgan ishlar bilan yaqindan tanishish maqsadida O'FA Birinchi vice-prezidenti Ravshan Ermatov bevosita hududiy futbol akademiyalariga tashrif buyurayotganidan xabaringiz bor.
Mutaxassislar guruhi bu safar O'FA qoshidagi Toshkent shahri bolalar-o'smirlar futbol akademiyasiga tashrif buyurdi. U erda akademiya tarbiyalanuvchilari uchun yaratilayotgan shart-sharoitlar bilan yaqindan tanishildi. Qolaversa, yangi barpo etilayotgan suniy qoplamali maydon qurilish ishlari ko'zdan kechirildi.
“Futbolchining rivojlanishida sifatli maydonlarning ahamiyati ancha yuqori. Yaxshi maydonlar bo'lsa murabbiylar tezkor va bugungi kun futboli talabiga javob beradigan ko'plab yosh futbolchilarni tarbiya qila oladilar. SHu boisdan ham mamlakatimizda barpo etilayotgan har bir maydonning sifatli tarzda qurilishi biz uchun juda ham muhim ahamiyat kasb etadi”, - deya takidladi Ravshan Ermatov.
Bosh sahifaga
159
