“Andijon”: Stadion va qarorgohda ish qizg'in FOTO

Unga har bir jamoa turlicha tayyorgarlik ko'rmoqda. Xususan “Andijon” jamoasi ham imkon qadar mavsumga puxta hozirlik ko'rishga xarakat qilayotir. Jamoa rahbariyati stadion va qarorgohini mavsumga shay xolatga keltirish uchun astoydil ishga kirishgan. Jumladan uy uchrashuvlarini o'tkazadigan “Sog'lom avlod” stadionida tamirlash ishlari olib borilmoqda. Xizmatchilarning bahorning ilk kunlariga qadar barcha ishlarni yakunlab, stadionni ideal xolatga keltirishi ko'zda tutilgan. Stadionda o'ziga yarasha yangiliklar joriy etilishi rejalashtirilgan va bu borada ish ketmoqda. 

Faqat bu xususda keyinroq malumot beramiz. Kecha stadionga tashrif buyurib, shunga guvoh bo'ldikki, har bir tribunadagi o'rindiqlar tozalanib, pardoz ishlari olib borilmoqda. “Burgutlar” o'z uyidagi ilk uchrashuvini 11 mart kuni “Lokomotiv”ga qarshi o'tkazadi. Unga qadar stadionning ideal xolatga kelishiga shubha yo'q. Darvoqe, maydonning xolatiga keladigan bo'lsak, muxlislar yaxshi bilishsa kerak, “Sog'lom avlod” stadionining maydoniga ajirik o'ti yotqizilgan. SHu bois maydon bahor faslining ilk oyida yam-yashil bo'ladi deyish qiyin. 

O'tgan mavsum jamoa shahardagi mexmonxonalarning birida istiqomat qilgandi. Joriy yildan boshlab esa “Andijon” yana avvalgi qarorgohiga qaytadigan bo'ldi. Jamoa Toshkentda yig'in o'tkazayotganida klub rahbariyati bundan unumli foydalangan xolda, bazada tamirlash ishlarini olib bordi. Qolaversa jamoa azolariga qulaylik yaratish maqsadida jixozlar olib kelindi. Futbolchilar ertaga ushbu qarorgohda yig'iladi.

“Andijon” FK matbuot xizmati.