Jahon chempionati saralash bosqichida biz bilan bir guruhda kurash olib borayotgan Saudiya Arabistoni 19 noyabr kuni dam olgani bois fursatdan foydalanib o'rtoqlik uchrashuvi o'tkazdi.
Saudiyaliklar Ar Riyod shahrida Janubiy Amerika qitasi vakili Paragvay bilan o'zaro kuch sinashishdi. O'ziga yarasha qiziqarli kechgan bahsda hisob ochilmadi. SHuni aytish lozim, bu o'yinda Saudiya Arabistoni bosh murabbiyi Erve Renar asosan ikkinchi tarkibni sinab ko'rdi.
CHunki O'zbekiston bilan o'yindan keyin "Al Hilol"ning barcha futbolchilari klub ixtiyoriga jo'nab ketishdi. "Al Hilol" ayni paytda Yaponiyada bo'lib turibdi va 24 noyabr kuni "Urava Reds"ga qarshi OCHL final ikkinchi uchrashuvni o'tkazadi.
Paragvay bilan bahsda saudiyaliklar tarkibi quyidagicha bo'ldi:
Darvozabon - Favaz Al Qarni; himoyachilar - Abdulrahmon Al Obayd, Hassan Al Tambakti, Muhammad Al Xabrani, Sulton Al G'anam; yarim himoyachilar - Abdulaziz Al Bishi, Abdulrahmon Al Dovsari, Abdulelah Al Malki, Yahyo Al SHehri, Firas Al Birakan; hujumchi - Abdulloh Al Hamdan.
Zaxiradan tushganlar: Saud Abdulhamid, Turki Al Ammar, Xarun Kamara, Abdulmajid Al Svat, Muxtor Ali, Ali Alavjami.
Bosh sahifaga
650