Myunxenliklar mashhur mutaxassislarning biri bilan shartnoma tuzishi mumkin edi (Allegriya yoki Mourinyu), ammo Germaniya terma jamoasi shtabi bilan JCH-2014da muvaffaqiyatli ishtirok etgan Xans-Diter Flikni qoldirishdi.
Futbolchi Flik
Flik futbolchilik davrida iqtidorli yarim himoyachi bo'lgan va katta muvaffaqiyatlarga "Bavariya"da erishgan. U Myunxen klubida 6 yil to'p tepib, 4 marta Germaniya chempioni bo'lgan. Flik myunxenliklar safida 104ta uchrashuv o'tkazgan bo'lsada, bor-yo'g'i 5 ta gol urishga erishgan.
Flik 6 yildan so'ng "Kyoln"ga o'tdi. Xans-Diter deyarli o'yin amaliyotiga ega bo'lmadi. Balki qizil kartochka ko'p olgani uchun uni tarkibga kiritishmagandir. Flikning faoliyatidagi so'nggi klub "Bammental" bo'ldi va yarim himoyachi u erda tizzasidan jiddiy jarohat oldi va faoliyatini 1993 yilda (28 yosh) yakunladi.
Umuman olganda Flik futbolchi bo'lishni xohlamagan. U bank sohasida o'qigan va shunchaki rohat olish uchun uchinchi ligadagi "Zandxauzen" safida to'p tepgan. Futbolchi bo'lishga jiddiy qiziqmagan Xans-Diter "SHtutgart" taklifini rad etdi, ammo "Bavariya" shartnoma yuborganida u tezda rozi bo'ldi.
Murabbiy Flik
Flik Kovach istefosigacha yoshlarni asosiy tarkibga qo'shish uchun bosh murabbiyga ko'maklashdi. Maqsad - "Bavariya"ni yoshartirish edi. Tomas Myuller zaxirada qola boshladi, Xummels esa "Borussiya"ga (Dortmund) ketdi.
Flik Myunxendan oldin Germaniya terma jamoasida ishlagan. 2006 yilda Yoaxim Lyov uni o'ziga assistent qilib olgan. Nemislar u bilan jahon chempioni bo'lishdi, xatto bitta uchrashuvda Xans bosh murabbiy vazifasini bajardi. Bu 2008 yil Evropa chempionatida sodir bo'lgandi. Yoaxim Lyov diskvalifikaciya qilingani bois, Flik Portugaliyaga qarshi bahsda chiziq yonida turib jamoani boshqargan.
Flik ko'proq standartlarga etibor berardi, JCH-2014da Germaniyaning ustun tomoni ham standartlar bo'lgan. Turnirdagi 6ta gol burchak va jarima zarbalaridan urilgan edi. O'sha paytdagi mish-mishlarga ko'ra, Flik futbolchilarni yaxshi tushungan, Lyov esa qattiqqo'l mutaxassisga aylanib, faqat ko'rsatmalar bilan cheklangan ekan. Flik terma jamoani tark etganidan so'ng O'zil, Myuller, Xummels va Boateng Lyov bilan til topisha olmadi va ularni MTJdan haydab yubordi desak ham bo'laveradi.
Yana qaerda ishlagan?
Flik Lyov yordamchisi bo'lgunga qadar 5 yil "Xoffenxaym"ni boshqargan. Ammo o'shanda bu klub Germaniyaning to'rtinchi ligasida edi. Flik birinchi mavsumda jamoani uchinchi ligaga olib chiqdi va 2005 yilgacha turnir jadvali o'rtasida yurdi.
Uning keyingi jamoasi "Red Bull" tomonidan sotib olingan va keyinroq "Red Bull Zalcburg" deb nomi o'zgartirilgan "Austriya" bo'ldi. Jamoaga Lotar Matteus va Jovanni Trapattonilar taklif qilingan edi, Flikni esa Trapattoniga yordamchi sifatida chaqirilgan. Xas Avstriya klubida 11ta uchrashuvda ishlab, keyin terma jamoaga yo'l oldi.
Aytgancha, Flikning biznesi bor: U Bommentaldagi sport kiyimlari do'koniga egalik qiladi.
"Bavariya"ning navbatdagi raqiblari "Fortun" (Bundesliga) va "Crvena Zvezda" (CHempionlar ligasi) bo'ladi. Ular ustidan qozonilgan g'alaba jamoa va murabbiyga qo'shimcha ishonch berishi kerak.
Bosh sahifaga
1711