Arsenal - Barselona. Prevyu

Ko'pchilikning fikricha, ushbu bosqichda Luis Enrike armiyasi g'alaba qozonib keyingi raundga yo'llanmani qo'lga kiritadi.

Ammo jahon darajasidagi futbolchilarga ega "Arsenal"ni hisobdan chiqarish to'g'ri emas.

"Barselona"

O'tgan haftada "Barselona" Ispaniya chempionatidagi birinchi o'rnini mustahkamlab oldi.

"Las-Palmas" ustidan qozonilgan g'alaba va "Real" va "Atletiko"ning durang natijasi tufayli Kataloniya klubi La Liga sovrinini saqlab qolish imkoniyatlarini oshirib oldi. Boshqa tarafdan qaraydigan bo'lsak, Ispaniya Kubogi finaliga chiqqan "Barselona" mavsum oxirigacha kuchini to'g'ri taqsimlay olishi qiyin.

"Las-Palmas"ga qarshi bahsda Luis Enrikening jamoaning ikki etakchi futbolchisi - Xerard Pike va Serxio Busketsga dam olish imkoniyatini berdi. Kataloniyaliklar ustozi navbatdagi bahsda Busketsga yordam beradigan futbolchi tanlashda boshi qotgan. Arda Turan diskvalifikaciya tufayli maydonga tusha olmaydi, Serxi Roberto esa to'liq ishonib bo'lmaydi.

Taxminimizga ko'ra, murabbiy Roberto (uning energiyasi tufayli) va Andres Inestani maydonga tushiradi, ammo Ivan Rakitich ham kuchli futbolchi.

Darvozabonga to'xtaladigan bo'lsak, joriy mavsumda ham xuddi oldingisidek ter SHtegen bugungi uchrashuvda Kataloniya klubi posboni vazifasini bajaradi.

"Arsenal"

Braziliyalik himoyachi Gabriel jarohat olgan va shu sababli Mertesaker uning o'rnini egallaydi. "Arsenal"ning baxtiga Petr CHex, Koselni, Belerin, Nacho Monreal va Koklen soppa-sog'.

SHu kungacha "Barselona" hujumchisi Lionel Messi CHex darvozasini hech qachon ishg'ol qila olmagan. "To'pchilar" hujumi markazida Olive Jiru o'ynaydi.

Uelbek ham ushbu joyga mos tushadi, chunki ingliz jismoniy jihatdan ancha baquvvat. Markaziy hujumchiga qanotlarda Joel Kembell, Teo Uolkott va Oksleyd-CHemberlen yordam berishi mumkin.

"Arsenal"ning hujumlari ikki futbolchining harakatiga bog'liq. Mesuot Ozil joriy mavsumda fantastik o'yin ko'rsatyapti va "Barselona" himoyasidagi tirqishlarni topa olishiga ko'pchilik shubha qilmasa kerak. Aleksis Sanches esa jarohatidan qutilib, asta-sekin formasini tiklab boryapti.

"Arsenal" va "Barselona" uchrashuvi avvaldan tomoshabop bo'lib kelgan va navbatdagi to'qnashuv ham shunday kechishi kutilyapti.

"To'pchilar" o'z uyida har qanday raqibni taslim eta olishini, CHempionlar ligasining guruh bosqichida "Bavariya" misolida ko'rsatib bo'ldi.

"Arsenal" taxminiy tarkibi: Petr CHex, Belerin, Koselni, Mertesaker, Nacho Monreal, Koklen, Remsi, Mesut Ozil, Aleksis Sanches, Teo Uolkott va Jiru.

"Barselona" taxminiy tarkibi: Ter SHtegen, Dani Alves, Xerard Pike, Xaver Maskerano, Xordi Alba, Serxio Buskets, Serxi Roberto, Andres Inesta, Neymar, Messi va Luisa Suares.