Futbol jamoatchiligi tomonidan 24-turning markaziy o'yini sifatida “Bunyodkor” va “Navbahor” jamoalari ishtirokidagi uchrashuv tilga olinmoqda. “Qaldirg'ochlar” turnir jadvalida kuchli uchlikni egallashni maqsad qilgan. Andrey Kanchelskis shogirdlarida esa, nazariy jihatdan yuqori o'rinlardan birini egallash imkoniyati mavjud. Biz esa mazkur bellashuvdan oldin “lochinlar” azosi Azim Ahmedovdan intervyu oldik.
- Barchani qiziqtirayotgan savol. Jarohat olib malum muddatga safdan chiqqan edingiz. Xo'sh, tiklanish jarayoni qanday ketyapti? Sizni qachon maydonda ko'ramiz...
- Jarohatimni davolash jarayoni hamon davom etmoqda. Men uchun bu yilgi mavsum tugadi. Qolgan uchta o'yinni o'tkazib yuboraman.
- Nazarimizda, “Navbahor” joriy mavsumni avvalgiga qaraganda bo'sh o'tkazmoqda. Ko'pchilik ishqibozlar jamoadan katta natijalarni kutgan edi...
- Mavsum davomida ko'p o'zgarishlar yuz berdi. Yanggi o'yinchilar keldi, ayrimlari ikkinchi davrada ketdi. Murabbiylar almashinuvi kuzatildi. SHuning hisobiga natijalar ijobiy ko'rinish olmadi. Menimcha, murabbiyga vaqt kerak. SHundagina yaxshi bo'lishiga ishonchim komil.
- Oldinda uchta tur qoldi. Jamoangiz uchun deyarli hammasi halmi? Yoki hali sovrinli o'rinlardan umid o'zilgani yo'qmi...
- Qolgan barcha uchrashuvlarda uch ochko qo'lga kiritsak, bari zo'r bo'ladi. Oson bo'lmagan bahslar kutib turibdi. Jamoadoshlarimga omad tilayman.
- "Bunyodkor" bilan uchrashuvda, jamoa poytaxtdan osonlikcha ochko bilan qayta oladimi? Boisi “Navbahor” tarkibidagi futbolchilar tajribali va maxoratli, raqibda esa charchoq alomatlari bo'lishi tabiiy hol, chunki ularning asosiy futbolchilari milliy va olimpiya terma jamoasi bilan birga bo'ldi.
- Ha. Oldimizda jiddiy va kuchli jamoaga qarshi o'yin kutib turibdi. Qiyin bo'ladi. Lekin, jamoamiz yaxshi tayyorgarlik olib boryapti. G'alaba qozonib ishqibozlarimizni xursand qilishlariga umid qilaman.
Abdulaziz Iskandarov suhbatlashdi
Bosh sahifaga
613