“Andijanka” 2-turni ketma-ket g'alaba bilan boshladi
/ Kiritdi: BestMaster O'qilgan: 974
22 fevral kuni Toshkent shahrida ayollar jamoalari o'rtasida futzal bo'yicha XII O'zbekiston chempionatining 2-tur o'yinlari start oldi.
Ilk turda 5-o'rinni qo'lga kiritib, navbatdagi turda ishtirok etish xuquqini qo'lga kiritgan “Andijanka” jamoasi dastlabki ikki turni ham o'z foydasiga hal qildi.
Orif Mamatkazin boshqaruvidagi “Andijanka” kecha taqvimga ko'ra Nukusning “Qirq-Qiz” jamoasi bilan kuch sinashdi. Aytish kerakki, ushbu bahsda qizlarimiz ishonchli g'alabaga erishdi.
“Andijanka” – “Qirq-Qiz” 3:0
“Andijanka”: Dilafruz Xodjaeva, Elena Lagutkina, Oygul Yaqubov, O'g'iloy Qo'chqorova, Rushana Safina, Ziyoda To'lanboeva, Ro'za Asqarova, Gulnora Davronova, Maftuna Jo'raeva, Mohira Jo'raboeva, Nazokat Mamatisaqova.
Gollar: Oygul Yaqubova (2ta), O'g'iloy Qo'chqorova.
Bugun esa “Andijanka” Toshkentning “Lokomotiv” jamoasiga qarshi bahs olib bordi. Bu safargi uchrashuv esa chinakamiga qizlarimizning benefisiga aylanib ketdi. Ishtaha ovqat paytida keladi deganlaridek, futbolchilarimiz ham raqibini ortiqcha ayab o'tirmadi va javobsiz naqd 11ta (!) to'p kiritishga muvaffaq bo'ldi. O'g'iloy Qo'chqorova va Maftuna Jo'raeva xet-trik qayd etgan bo'lsa, Rushana Safina dublga erishdi.
“Lokomotiv” – “Andijanka” 0:11
“Andijanka”: Dilafruz Xodjaeva, Elena Lagutkina, Oygul Yaqubov, O'g'iloy Qo'chqorova, Rushana Safina, Ziyoda To'lanboeva, Ro'za Asqarova, Gulnora Davronova, Maftuna Jo'raeva, Mohira Jo'raboeva, Nazokat Mamatisaqova.
Gollar: O'g'iloy Qo'chqorova (3ta), Maftuna Jo'raeva (3ta), Rushana Safina (2ta), Elena Lagutkina, Gulnora Davronova, Ziyoda To'lanboeva.
Endi ertaga “Andijanka” qizlari Toshkent viloyatining “Yuzrobod” jamoasiga qarshi o'ynaydi.
“Andijanka” FK matbuot xizmati.
Bosh sahifaga
367