Unda O'zbekiston, Afg'oniston, Eron, Qirg'iziston, Tojikiston hamda Turkmaniston olimpiya terma jamoalari g'oliblik uchun bahs olib borishadi.
Bugun musobaqa oldidan matbuot anjumani o'tkazildi. Unda O'zbekiston terma jamoasi ustozi Bahrom Norsafarov quyidagicha fikr bildirib o'tdi:
- OFK, CAFA (MOFA) hamda mezbon Tojikistonga bunday musobaqa tashkil etilayotgani uchun minnatdorchilik bildiraman. Bizda yaqindagina milliy chempionat yakunlandi. Futbolchi qizlarimiz ayni damda yomon sport formasida emas. Faqatgina bir necha nafar muhim o'yinchilarimizning jarohat olishgani biroz dilni xira qiladi. Lekin biz musobaqaga olib kelgan 18 nafar futbolchi qizlarning aksariyati, shuningdek, bir vaqtning o'zida milliy terma jamoamiz azolari ham hisoblanishadi. Qolaversa, tarkibimizda U-19 terma jamoamiz azolari ham bor. Ularga ushbu turnirda o'zlarini ko'rsatish imkoniyatini taqdim etamiz. Raqiblar haqida gapiradigan bo'lsam, qo'shni mamlakatlar terma jamoalari bilan yaqindagina Qirg'izistonda o'tgan "Umid kubogi"da to'qnash kelgan edik. Endi ushbu musobaqada ham chiroyli va muxlislarga manzur bo'ladigan o'yin namoyish etishga urinamiz, - dedi mutaxassis.
Bosh sahifaga
251