Boisi, turnir jadvalining quyi pog'onasidan o'rin olgan jamoalar kuchlilar safida qolishni uzil-kesil hal qilishmadi. Bunday imkoniyat “Buxoro”da ham saqlanib qolingan. Ular uchun har bir ochkoning qadri baland. Hususan, 23-turdan o'rin olgan “Qizilqum”ga qarshi uchrashuvning ahamiyati o'ta yuqori. Mag'lubiyat jamoaning ahvolini yanada og'irlashtirishi turgan gap. Bu borada jamoaning asosiy posboni Rahimjon Davronovning fikrlarini bilish istagi tuyuldi.
- Jamoani oldinda navoiyliklarga qarshi qiyin bahs kutib turibdi. Umuman, ayni damda klubdagi vaziyat qanday? Tanaffusda qaysi jihatlar ustida ish olib borildi...
- “Buxoro”da hamon imkoniyat bor. Ko'rgan bo'lsangiz, avvalgi o'yinlarda himoyada harakat qildik. Tanaffus paytida asosan hujumkor o'yinni tashkil qilish ustida ish olib bordik. Jamoadoshlarimiz bilan juda yaxshi tushunib turibmiz. Biz uchun oson o'yin bo'lmasligi aniq. Jiddiy hozirlik ko'ryapmiz. O'ylaymanki g'alaba bizniki bo'ladi.
- Qolgan turlarda balki, tavakkalga qo'l urarsizlar...
- SHunday desak ham mubolag'a bo'lmaydi. "Vabank"ka o'tishimiz mumkin. Ko'proq hujum uyushtirshimiz kerak. Nimaga desangiz bizga g'alaba suv va havodek zarur. Superligada qolish uchun bor kuchimizni ishga solamiz.
- Keling suhbatimizni sobiq jamoangiz “Mashal” haqida davom ettirsak. Ularni elitaga qaytgani sizni befarq qoldirmagan bo'lsa kerak...
- Ha. Deyarli yuz foiz ishongandim. Bunday jamoani o'rni Superligada deb o'ylayman.
- Orada yuz bergan pasayishning sababi nimada deb o'ylaysiz?
- Qashqadaryoda futbolga bo'lgan etibor juda katta. “Nasaf”ni gapirmasa ham bo'ladi. Sobiq klubimga kelsak, ozroq pasayish bo'ldi moliyaviy tomondan. Keyingi yil barchasi joyida bo'ladi.
Abdulaziz Iskandarov suhbatlashdi
Bosh sahifaga
251