Tajribali yarim himoyachi shu kuni maydonga tushmagan bo'lsada, ruhan jamoadoshlariga dalda bo'lib turdi.
- Dastlab, oradagi katta tanaffusdan so'ng o'tkazilgan “Qo'qon 1912”ga qarshi kechgan bellashuv hususida...
- O'yin haqida nima deyishim mumkin? Vodiy jamoalariga qarshi to'p tepish doim qiyin bo'lib kelgan. Qo'qondagi o'yin og'ir o'tishini oldindan bilgan holda FIFA kunlarida munosib hozirlik ko'rgandik. Birinchi davrada ularni yirik hisobda va o'z maydonimizda mag'lubiyatgan uchratganimizni esdan chiqargan holda bahsga jiddiy yondashdik. CHunki, ularning o'yinida va tarkibida o'zgarishlar etarlicha edi. Amalda qilgan mehnatlarimiz zoe ketmaganidan xursandmiz.
- Menimcha Aziz To'xtaboev shogirdlari birinchi davraga qaraganda etarlicha qarshilik ko'rsatishdi. Tablodagi hisobdan ham buni bilsa bo'ladi...
- Bu uchrashuvda jamoadoshlarim borlarini berib to'p tepishdi. Ko'p vaziyatlarda himoyachilarmiz va posbonimiz Suhrob Sultonov mahoratini namoyish qildi, ishonchli harakat qildi.
- Mirjamol Qosimovning burchak zarbasidan so'ng kiritgan shedevr goliga munosabatingiz...
- Standart vaziyatlar ustida mashg'ulotlarda butun jamoa bo'lib alohida ish olib boramiz. Golga keladigan bo'lsak, ajoyib tarzda amalga oshirilgan burchak to'pi desak noto'g'ri bo'lmaydi deb o'ylayman.
Abdulaziz Iskandarov suhbatlashdi
Bosh sahifaga
70
