"Qizilqum": Navoiyda akkreditaciya davom etadi

Navbatdagi milliy chempionat bahslari boshlanishiga tobora oz fursat qolmoqda. Yangi mavsumda ham “Qizilqum” PFK  Navoiy shahrida jamoamiz ishtirokida bo'ladigan O'zbekiston kubogi va mamlakat chempionati uchrashuvlarida jurnalistlar uchun qulaylik yaratishni rejalashtirgan.

Jumladan, ommaviy axborot vositalari va matbuot xodimlarining o'yinlarni maxsus sektordan bepul tomosha qilishlari, uchrashuvlar yakunida uyushtiriladigan matbuot anjumanlarida ishtirok etishlari, shuningdek, TV operatorlari hamda fotomuxbirlarning stadionda faoliyat yuritishi imkonini beruvchi maxsus ruxsatnoma (beyjik)lar taqdim etiladi.

Buning uchun OAV va matbuot xodimlari o'zlari ishlayotgan korxonadan “Qizilqum” PFK bosh menejeri Hamidjon G'ulomovich Aktamov nomiga xat, ikki dona 3X4 hajmdagi surat hamda pasport nusxasini taqdim etishlari talab qilinadi.

Hujjatlar qabul qilish shu yilning 2 martiga qadar davom etadi.

Murojaat uchun telefonlar: (0436) 2231503, +998998339634.

Eslatib o'tamiz, “Qizilqum” futbolchilari ilk turni 5 mart kuni o'z maydonida “Mashal” (Muborak) jamoasiga qarshi o'tkazadi. Uchrashuv soat 17.00 da boshlanadi.