- Bugungi o'yin derbi maqomiga mos bo'ldi, deya olaman. Asabiy va hujumkor ruhda o'tgan bahs muxlislarga qanchalik yoqqanini bilmadimku, lekin murabbiylar shtabining anchagina asabi buzildi. Ochig'i, o'yin oxirlarida omadimiz keldi. Qolaversa, chempionlikni qo'lga kiritib bo'lgan "Paxtakor" futbolchilarining ruhiyati ham bizning foydamizga xizmat qildi. Ham chempionlikni ham kubokni qo'lga kiritgan futbolchilarni ruhiy tomondan o'yinga tayyorlash juda mushkul. Ular xayolan tatilga chiqib bo'lishgan. Tatildagi insonni kurashga qaytarish qiyin. Bu tabiiy hol.
Legionerlar? Mavsum oxirida ularning shartnomasi tugaydi va ularga javob beramiz. Albatta barchada moslashish davri bo'ladi. Yozda bizda yarim himoyada muammolar bor edi o'sha vaqtda ular maydonga tushishdi. Jarohat olganlar safga qaytgach legionerlar zaxirada qola boshlashdi.
Jamoa yosh. Tarkibdagi futbolchilarni tajriba borasida "Paxtakor" o'yinchilari bilan solishtirib bo'lmaydi. Hisob qisqargach raqib o'z o'yinini topib oldi va yana bizni jazoladi. "Paxtakor"ni tajribali murabbiy boshqaradi. Etibor bergan bo'lsangiz, raqib ikkinchi bo'limni ishonchli tarzda o'tkazdi. CHunki tajribali o'yinchi qanday o'ynashni biladi. Qolaversa, ular mavsumni mag'lubiyatsiz yakunlashni niyat qilgandi. Futbol xatolarsiz bo'lmaydi. O'ylaymanki, shunday xatolarni kamaytirib, yanada jiddiy jamoaga aylanamiz.
Baribir so'nggi turda "So'g'diyona"ni mag'lub etishimiz kerak. Jizzax klubi ham bronza medalini olishni istaydi. Hozir bu o'yinga tayyorgarlik ko'ramiz. "So'g'diyona" kelib bizga "sovuq dush" taqdim etishi mumkin. Yigitlarni mana shu muhim bahsga ruhan tayyorlashimiz kerak.
Bosh sahifaga
304