Xabarlarga ko'ra, London klubi rahbariyati ispaniyalik mutaxassis boshchiligidagi "Arsenal"ning so'nggi natijalaridan juda norozi. Jamoa barcha musobaqalardagi so'nggi oltita o'yinda g'alaba qozona olmadi va 14 turdan so'ng Premer-ligada 8-o'rinni egallab turibdi.
OAVda Emerining ishdan bo'shatilishi haqidagi mish-mishlarga qaramay, murabbiy rahbariyat uni to'liq qo'llab-quvvatlashini aytmoqda.
"Arsenal" rahbariyati allaqachon 48 yoshli mutaxassisni almashtirish uchun munosib nomzodlarni qidirishga kirishgan. Ayni paytda ikkita ehtimoliy variantlar ko'rib chiqilmoqda. Bular, Turinning "Yuventus" jamoasi sobiq ustozi Massimiliano Allegri, shuningdek, "Vulverxempton" bosh murabbiyi Nunu Eshpiritu Santu.
Eslatib o'tamiz, "Arsenal" bugun tunda Evropa Ligasi guruh bosqichining 5-turida "Ayntraxt"ga qarshi maydonga tushadi. Emeri shogirdlari "F" guruhida 10 ochko bilan birinchi o'rinda borishmoqda.
Bosh sahifaga
1770