Superligadan kim tushib ketadi? "Buxoro" yoki "Dinamo"

Eng asosiy intrigalardan biri Superligadan tushib ketadigan jamoa qaysi bo'ladi?

So'nggi turdan oldin quyi ligaga tushib ketishi mumkin bo'lgan klublar soni ikkita qoldi: "Buxoro" va "Dinamo". Har ikkala klub hisobida ham bir xil 21tadan ochko mavjud.

26-TUR
30 noyabr, shanba
15:00 ANDIJON — QIZILQUM
15:00 LOKOMOTIV — PAXTAKOR
15:00 NASAF — DINAMO
15:00 BUXORO — AGMK
15:00 METALLURG — SURXON
15:00 QO'QON-1912 — NAVBAHOR
15:00 BUNYODKOR — SO'G'DIYONA

Oxirgi turda "Dinamo" Qarshida "Nasaf" mehmoni bo'lsa, "Buxoro" o'z uyida AGMKni qabul qiladi. To'g'ri "Dinamo"da va "Buxoro"da nazariy jihatdan "Qizilqum"ga etib olish imkoniyati bor. Ammo "Qizilqum" o'zaro o'yinlarda yaxshiroq natija qayd etgan va har qanday holatda ham "Dinamo"dan pastda bo'lmaydi.


O'zaro o'yinlar
"Buxoro" — "Qizilqum" 1:1
"Qizilqum" — "Buxoro" 1:1

"Buxoro" — "Dinamo" 0:0
"Dinamo" — "Buxoro" 0:3

"Dinamo" — "Qizilqum" 2:2
"Qizilqum" — "Dinamo" 2:1

Ko'rinib turibdiki "Dinamo" o'zaro o'yinlarda "Qizilqum"dan ham, "Buxoro"dan ham pastda. Bu degani "Dinamo"ning ligada qolish imkoniyati o'z qo'lida emas, "Buxoro"ga bog'liq.

Demak, 26-turda...

..."Buxoro" g'alaba qozonsa har qanday holatda "Dinamo" ligani tark etadi.

..."Buxoro" durang o'ynasa yoki mag'lub bo'lsa hamda "Dinamo" g'alaba qozonsa ligani "Buxoro" tark etadi.

..."Buxoro" ham, "Dinamo" ham durang o'ynasa ligani "Dinamo" tark etadi.

...Ikkala jamoa ham mag'lub bo'lsa ligani "Dinamo"ni tark etadi.