- Nega faoliyatingizni erta yakunladingiz va hozir nima bilan bandsiz?
2016 yildagi O'zbekiston chempionati yakunlanganidan so'ng Rossiyaga uchib ketdim. O'sha paytlarda akam Danil MXLda (xokkey) "Draguni" sharafini himoya qilardi. Ularda ham chempionat yakuniga etib qolgandi. Akam o'ynaydigan jamoa o'yiniga tushishga qaror qilgandim. Moskvaga borganimda tasodifan do'stim, "Zenit" va Rossiya terma jamoasi darvozaboni Andrey Lunyov bilan uchrashib qoldim. Andrey meni oilaviy tatilga taklif qildi va men rozi bo'ldim. Tatil davomida futbol haqida suhbatlashdik. 2015 yildan beri elkamdagi jarohat bezvota qilar edi. Ikki mavsum ushbu jarohatni davolashga harakat qildim. Lunyov esa menga shunday deb qoldi:
"Nikita, murabbiylikka o'tishing kerak". Men o'zimni ko'proq futbolchi sifatida ko'rsatishni xohlayotgandim. O'z oldimga katta maqsad va vazifalar qo'ygandim. 2017 yilda "Qizilqum" bilan shartnoma imzoladim. 3-4ta turdan so'ng yana jarohat bezovta qila boshladi. O'sha damda Andrey bilan suhbatimiz yodimga tushdi va otam (Igor SHkvirin) bilan maslahatlashdim. Dadam bilan men uchun jiddiy suhbat bo'ldi. Avgust oxirlari edi. Moskvaga uchdim va "RFI murabbiylik mahorati akademiyasi"da o'qishni boshladim. U erni alo baholarga bitirdim va bir necha kundan so'ng Vadim Abramov bilan uchrashdim. Vadim Karlenovich va dadam murabbiylikni bolalar futbolidan boshlashni maslahat berishdi. O'shanda Vadim Abramov quyidagi gapni aytgan edi: "Agar yosh futbolchilar bilan yaxshi ishlasang, kattalar bilan ham hammasi joyida bo'ladi".
Nomdor ustozlarimning maslahatiga quloq tutib, bolalar futbolida tajriba orttira boshladim. Doimo Denis Ivankov (O'zbekiston terma jamoasi darvozabonlar murabbiyi) bilan aloqadaman. Undan darvozabonlik sanatini o'rgandim va Ivankov bilan posbonlarni tayyorlash mashqlarini muhokama qildik.
Bir qancha vaqt o'tib "A-UEFA darvozabonlari bilan ishlovchi murabbiy" yo'nalishida o'qishga kirdim. Bunday yig'in Rossiyada ilk marotaba o'tkazilayotgan ekan. Bizga Vitaliy Kafanov ("Rostov" darvozabonlar murabbiyi), Vyacheslav CHanov (Igor Akinfeev iqtidorini kashf qilgan murabbiy), Yurish SHishkin ("Krilya Sovetov" darvozabonlar murabbiyi), Vladimir Malishev ("Lokomotiv" akademiyasi darvozabonlar murabbiyi) kabi mashhur mutaxassislar dars o'tdi. Bunday insonlar senga dars o'tishi, tajribasi bilan bo'lishishi juda ajoyib. O'qishga keladigan bo'lsak, menda kichik ustunlik bor edi. Otam Igor SHkvirin katta mutaxassis va o'z ishining ustasi. U bolalik paytlarimdan menga murabbiylikni, mashg'ulotlar, taktika va sxemalarni o'rgatgan. Do'stim Andrey Lunyovga qo'ng'iroq qilib, "Zenit"ning mashg'ulot jarayonini ko'rishni istayotganimni aytdim. "Zenit" jahon futboli grandlaridan biri. Asosiy jamoa qanday ishlashi, posbonlar qanday mashg'ulot o'tkazishi men uchun juda qiziq edi. Sankt-Peterburgga uchib bordim va hayratga tushdim.
"Olmaliq" (hozirgi AGMK) va "Zenit"ning mashg'ulotlari deyarli bir xil ekan. O'sha paytda piterliklarni Roberto Manchini boshqarayotgan edi.
Yaqinda Manuel Almuniya qo'l ostida tajriba oshirgani bordim. "Arsenal" sobiq posboni bilan ishlash juda qiziq bo'ldi.
- "Zenit" posboni Lunyov bilan qaerda tanishgansiz?
- Andrey bilan bolaligimda tanishganman. 2003 yil 12 yoshimda "Torpedo" akademiyasida tahsil olganman. O'sha erda u bilan tanishganman. "Torpedo" akademiyasi afsonaviy maktab. Bu erda Olimpiya chempioni Dmitriy Xarin, Evropa chempioni Viktor SHustikov, Rossiya CHempioni Vladimir Maminov, Marat Izmaylov, Vladimir Beschastnix va o'zbek futboli Mirjalol Qosimov tahsil olgan.
- Agar Superligadan taklif bo'lsa, O'zbekistonda ishlashga tayyormisiz?
- Takliflarni mamnuniyat bilan ko'rib chiqaman. O'zbekistonda ishlash men uchun sharaf! Vatanimda ishlab, olgan bilimlarimni amalda qo'llab, mamlakatimga foyda keltirishni xohlayman.
- Noyabr oyida JCH-2022 saralash uchrashuvlari bo'lib o'tdi. O'zbekiston terma jamoasi va darvozabon Eldor Suyunov o'yini haqida qanday fikrdasiz?
- Terma jamoamiz ishonchli murabbiylar qo'l ostida. Ular har bir bahsdan oldin raqiblarni to'liq tahlil qilishadi, o'yindan keyin esa kerakli xulosalar chiqarishadi. Eldor Suyunovga keladigan bo'lsak, u yuqori saviyali darvozabon. Eldor buni "Paxtakor"dagi barqaror o'yini bilan isbotlagan. Terma jamoadagi darvozabonlarimiz juda kuchli. Sanjar Quvvatov ajoyib posbon. "Bunyodkor" kiperi Abdumavlon Abdujalilov mavsumni juda yaxshi o'tkazmoqda. SHu bilan birga ko'pchilik afsonaviy Ignatiy Nesterovning qaytishini kutishyapti.
Bosh sahifaga
1432