Boisi, ertangi uchrashuvlar ko'p narsalarga oydinlik kiritib beradi. “Bunyodkor” va “Sug'diyona” uchrashuvi Osiyo CHempionlar ligasining navbatdagi ishtirokchisini aniqlab beradi. Bahsga bo'lgan qiziqish o'ta yuqori darajada. Ulug'bek Baqoev shogirdlarini faqat g'alaba qoniqtiradi. O'yindan oldin saytimizga intervyu bergan SHohruz Norxonov ortga yo'l yo'qligini alohida takidladi.
- SHohruz ayni damda jamoadagi futbolchilarning kayfiyati qanday? SHuning barobarida ertangi muhim o'yin oldidan fikrlaringizni bildirib o'tsangiz...
- Biz ertaga borimizni berib, uch ochko uchun harakat qilamiz. Durang ham ijobiy natija hisoblanmaydi. O'ylashimcha, muxlislarbop shiddatli o'yin bo'ladi.
- “Surxon” va “Nasaf”bilan o'yinlarda kerakli ochkolar yo'qotildi. Bu jamoaning ruhiy holatiga salbiy tasir qilmadimi?
- Hozir yaxshi holatdamiz. Barcha vaziyatni to'g'ri tushunib turibdi. Bitta o'yin qoldi, omad kimga kulsa uchinchi o'rin va OCHL yo'llanmasi o'shaniki bo'ladi.
- “Sug'diyona” Toshkentda “Bunyodkor” mehmoni bo'ladi. Ko'rganmiz, aksariyat klublar ularga qarshi himoyaviy o'yin taklif qiladi. Lekin, ayni payt vaziyat boshqacha. SHunday ekan ertaga qanday futbol namoyish etasizlar?
- Raqib hujumkor uslubga moslashgan. Murabbiyimizning ko'rsatmasiga binoan to'p tepamiz. Hozirdan sirlarni ochmoqchi emasman. Keling, barchasini ertaga o'yinda ko'ra qoling.
- Agarda, OCHL yo'llanmasini qo'lga kiritolmagan taqdirda ham, ushbu mavsum “Sug'diyona” uchun yuqori notada o'tdi desak bo'ladimi?
- Bu savolga uchrashuvdan so'ng javob olsangiz to'g'ri bo'lsa kerak.
Abdulaziz Iskandarov suhbatlashdi
Bosh sahifaga
601